വ്യത്യസ്തമായ റിലീസ് പ്രഖ്യാപനവുമായി കാക്കിപ്പട. ഖത്തര്‍ വേള്‍ഡ് കപ്പ് വേദിയില്‍ ആര്‍ത്തിരമ്പുന്ന കാണികളെ സാക്ഷിയാക്കിയാണ് കാക്കിപ്പടയുടെ റിലീസ് അണിയറ പ്രവര്‍ത്തകര്‍ പ്രഖ്യാപിച്ചത്. ഖത്തറിലെ അല്‍ ബായ്ത്ത് സ്റ്റേഡിയത്തില്‍ നടന്ന ഇംഗ്ലണ്ട് ഫ്രാന്‍സ് ക്വാര്‍ട്ടര്‍ ഫൈനല്‍ മത്സരത്തിനിടെയായായിരുന്നു ക്രിസ്തുമസ് റിലീസ് പ്രഖ്യാപന ഫ്‌ളെക്‌സുകളുമായി ചിത്രത്തിന്റെ അണിയറ പ്രവര്‍ത്തകര്‍ എത്തിയത്. ഇതിനകം തന്നെ വ്യത്യസ്തമായ പ്രമോഷന്‍ പരിപാടികളിലൂടെ കാക്കിപ്പട പ്രേക്ഷകശ്രദ്ധ നേടിയിരുന്നു. ഷെജി വെലിയകത്ത് നിര്‍മ്മിക്കുന്ന ചിത്രം സംവിധാനം ചെയ്തിരിക്കുന്നത് ഷെബി ചൗഘട്ടാണ്.
Recent Comments