‘കായംകുളം കൊച്ചുണ്ണി’ക്ക് ശേഷം റോഷന്‍ ആന്‍ഡ്രൂസും നിവിന്‍ പോളിയും ഒന്നിക്കുന്ന ചിത്രത്തിന് പേരിട്ടു- സാറ്റര്‍ഡേ നൈറ്റ്. ചിത്രത്തിന്റെ ഒഫീഷ്യല്‍ ഫസ്റ്റ് ലുക്കും പുറത്തിറങ്ങി. പോസ്റ്ററില്‍ നിവിനെ കൂടാതെ അജു വര്‍ഗീസ്, സൈജു കുറുപ്പ്, സിജു വില്‍സണ്‍ എന്നിവരുമുണ്ട്. കിറുക്കനും കൂട്ടുകാരും എന്ന ഹാഷ് ടാഗാണ് പോസ്റ്ററില്‍ ഉപയോഗിച്ചിരിക്കുന്നത്. പുത്തന്‍ തലമുറയിലെ യുവാക്കളുടെ സൗഹൃദത്തിന്റെ കഥപറയുന്ന ഒരു ആഘോഷചിത്രമായിരിക്കും ‘സാറ്റര്‍ഡേ നൈറ്റ്’ എന്ന സൂചന പോസ്റ്റര്‍ നല്‍കുന്നുണ്ട്.
‘സ്റ്റാന്‍ലി എവിടെയുണ്ട്’ എന്ന പരസ്യവാചകത്തോടെ ചില ഹോഡിംഗ്‌സുകളും ബോര്‍ഡുകളും ചിത്രത്തിന്റേതായി പുറത്തിറങ്ങിയിരുന്നു. ഇത് ചിത്രത്തിന്റെ ടൈറ്റിലാണെന്ന് തെറ്റിദ്ധരിച്ചവരും ഏറെയാണ്. അതിന് അറുതി വരുത്തികൊണ്ടാണ് റോഷന്‍ ആന്‍ഡ്രൂസ് ഇപ്പോള്‍ ടൈറ്റിലോടെ പോസ്റ്റര്‍ പുറത്തുവിട്ടതും.
പ്രതാപ് പോത്തന്‍, സാനിയ ഇയ്യപ്പന്‍, മാളവിക ശ്രീനാഥ്, ഗ്രെയ്‌സ് ആന്റണി, ശാരി, വിജയ് മേനോന്‍, അശ്വിന്‍ മാത്യു എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
അജിത്ത് വിനായക ഫിലിംസിന്റെ ബാനറില്‍ വിനായക അജിത്താണ് ചിത്രം നിര്‍മ്മിക്കുന്നത്. സെപ്തംബര്‍ അവസാനവാരം ചിത്രം റിലീസിനെത്തും. ദുബായ്, ബാംഗ്ലൂര്‍, മൈസൂര്‍ എന്നിവിടങ്ങളിലായി ചിത്രീകരിച്ച സിനിമയുടെ പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്. പി.ആര്‍.ഒ ശബരി.
Recent Comments