നിവിന്‍പോളിയെ നായകനാക്കി റോഷന്‍ ആന്‍ഡ്രൂസ് സംവിധാനം ചെയ്യുന്ന പുതിയ ചിത്രത്തിന്റെ ഷൂട്ടിംഗ് മെയ് 12 ന് ബാംഗ്ലൂരില്‍ തുടങ്ങും. സല്യൂട്ടിന് ശേഷം റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രം കൂടിയാണിത്. കായംകുളം കൊച്ചുണ്ണിക്കുശേഷം നിവിന്‍പോളിയെ നായകനാക്കി ഒരുക്കുന്ന ചിത്രവും. ടൈറ്റില്‍ ആയിട്ടില്ല.
സൈജുകുറുപ്പ്, അജു വര്‍ഗ്ഗീസ്, സിജു വില്‍സണ്‍, സാനിയ ഇയ്യപ്പന്‍ എന്നിവരാണ് താരനിരയിലെ മറ്റു പ്രമുഖര്‍. നിരവധി പുതുമുഖങ്ങളും ചിത്രത്തില്‍ അഭിനയിക്കുന്നു. ബാംഗ്ലൂരിന് പുറമെ മൈസൂരിലും ഷൂട്ടിംഗുണ്ടാവും. ദുബായിയാണ് മറ്റൊരു ലൊക്കേഷന്‍.
അജിത് വിനായക ഫിലിംസിന്റെ ബാനറില്‍ വിനായക അജിത്താണ് ചിത്രം നിര്‍മ്മിക്കുന്നത്. ദിവാകരനാണ് ഛായാഗ്രാഹകന്‍. നവീന്‍ദാസ് ആണ് ഇത്തവണ റോഷനുവേണ്ടി തിരക്കഥയെഴുതുന്നത്. സുജിത്ത് സുധാകരന്‍ കോസ്റ്റ്യൂം ഡിസൈനറും സജി കൊരട്ടി മേക്കപ്പും നിര്‍വ്വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ നോബിള്‍ ജേക്കബ്ബാണ്.
ഏപ്രില്‍ 13 ന് കൊട്ടാരക്കര ഗണപതി ക്ഷേത്രത്തില്‍വച്ചായിരുന്നു ചിത്രത്തിന്റെ പൂജ.
Recent Comments