റോഷന്‍ മാത്യു, ദിലീഷ് പോത്തന്‍ എന്നിവരെ പ്രധാന കഥാപാത്രങ്ങളാക്കി ഷാഹി കബീര്‍ തിരക്കഥയെഴുതി സംവിധാനം ചെയ്യുന്ന പുതിയ ചിത്രത്തിന്റെ ഷൂട്ടിംഗ് കണ്ണൂര്‍ ഇരിട്ടിയില്‍ പൂര്‍ത്തിയായി. ഫെസ്റ്റിവല്‍ സിനിമാസിന്റെ ബാനറില്‍ സംവിധായകന്‍ രതീഷ് അമ്പാട്ട്, രഞ്ജിത്ത് ഇവിഎം, ജോജോ ജോസ് എന്നിവര്‍ ചേര്‍ന്ന് ആദ്യമായി നിര്‍മ്മിക്കുന്ന, ഇതുവരെ പേരിടാത്ത ഈ ചിത്രം ഡ്രാമ-ത്രില്ലര്‍ ജോണറിലാണ് ഒരുക്കുന്നത്.
രണ്ട് പോലീസ് ഉദ്യോഗസ്ഥരുടെ ജീവിതത്തിലൂടെ കഥ പറഞ്ഞു പോകുന്ന ഈ ചിത്രത്തിന്റെ എണ്‍പത് ശതമാനവും രാത്രിയിലാണ് ചിത്രീകരിച്ചത്. ഏറെ ശ്രദ്ധേയമായ ‘ഇലവീഴാ പൂഞ്ചിറ’ എന്ന ചിത്രത്തിനു ശേഷം ഷാഹി കബീര്‍ സംവിധാനം ചെയ്യുന്ന ചിത്രത്തില്‍ സുധി കോപ്പ, അരുണ്‍ ചെറുകാവില്‍, ലക്ഷ്മി മേനോന്‍, ക്രിഷാ കുറുപ്പ്, നന്ദനുണ്ണി തുടങ്ങിയ പ്രമുഖരും അഭിനയിക്കുന്നു.
മനേഷ് മാധവന്‍ ഛായാഗ്രഹണം നിര്‍വഹിക്കുന്നു. വിനായക് ശശികുമാര്‍ എഴുതിയ വരികള്‍ക്ക് അനില്‍ ജോണ്‍സണ്‍ സംഗീതം പകരുന്നു. പ്രൊഡക്ഷന്‍ ഡിസൈനര്‍- ദീലീപ് നാഥ്, എഡിറ്റര്‍- പ്രവീണ്‍ മംഗലത്ത്, സൗണ്ട് മിക്‌സിംഗ്- സിനോയ് ജോസഫ്, ചീഫ് അസോസിയേറ്റ്- ഷെല്ലി സ്രീസ്, പ്രൊഡക്ഷന്‍ കണ്‍ട്രോളര്‍- ഷെബീര്‍ മലവട്ടത്ത്, വസ്ത്രാലങ്കാരം- ഡിനോ ഡേവീസ്, വിശാഖ്, മേക്കപ്പ്- റോണക്‌സ് സേവ്യര്‍, സ്റ്റില്‍സ്- അഭിലാഷ് മുല്ലശ്ശേരി, പബ്ലിസിറ്റി ഡിസൈന്‍- തോട്ട് സ്റ്റേഷന്‍, പ്രൊഡക്ഷന്‍ എക്‌സിക്യൂട്ടീവ്- ശ്രീക്കുട്ടന്‍, പ്രൊഡക്ഷന്‍ മാനേജര്‍- ആദര്‍ശ്, പബ്ലിസിറ്റി ഡിസൈന്‍- തോട്ട് സ്റ്റേഷന്‍, പിആര്‍ഒ- എഎസ് ദിനേശ്.
Recent Comments