ജനകന്‍, സാന്‍ഡ് വിച്ച്, ഡേവിഡ് ആന്റ് ഗോലിയാത്ത്, ഡോള്‍ഫിന്‍ ബാര്‍, കാറ്റും മഴയും എന്നീ ചിത്രങ്ങള്‍ക്കു ശേഷം ലൈന്‍ ഓഫ് കളേഴ്‌സിന്റെ ബാനറില്‍ എം.സി. അരുണ്‍ ഹെബ്രോണ്‍ മീഡിയാ ഇന്റര്‍നാഷണലുമായി സഹകരിച്ച് നിര്‍മ്മിക്കുന്ന ചേരയുടെ ചിത്രീകരണം കുമരകത്ത് ആരംഭിച്ചു.
ഫ്രൈഡേ, ലോ പോയിന്റ് എന്നീ ചിത്രങ്ങളിലൂടെ ശ്രദ്ധേയനായ ലിജിന്‍ ജോസാണ് ചിത്രം സംവിധാനം ചെയ്യുന്നത്. ശിവ പ്രസാദ് ഹെബ്രോണാണ് എക്‌സിക്യൂട്ടീവ് പ്രൊഡ്യൂസര്‍.
എം.സി. അരുണും അജിമേടയിലും ചേര്‍ന്ന് ഭദ്രദീപം തെളിയിച്ചു. പ്രശസ്ത നിര്‍മ്മാതാവ് സുബൈര്‍ സ്വിച്ചോണ്‍ കര്‍മ്മവും, ശിവപ്രസാദ് ഫസ്റ്റ് ക്ലാപ്പും നല്‍കി. തുടര്‍ന്ന് നിമിഷാസജയനെ വച്ചുള്ള രംഗങ്ങളാണ് ചിത്രീകരിച്ചത്.
ഒരു ത്രില്ലര്‍ സിനിമയാണ് ചേര. റോഷന്‍ മാത്യുവും നിമിഷാസജയനും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില്‍ ഗുരു സോമസുന്ദരം, ടിനി ടോം, ലെന, ജാഫര്‍ ഇടുക്കി, ജിയോബേബി, നിസ്താര്‍ അഹമ്മദ്, പ്രമോദ് വെളിയനാട്, സജിന്‍ ചെറുകയില്‍, ഷാജു കുരുവിള, നീരജ, ഭദ്ര, സുനിത അജിത്ത്, സിന്‍സ്, ബേബി എന്നിവരും ചിത്രത്തിലെ പ്രധാന താരങ്ങളാണ്.
അലക്‌സ് ജെ. പുളിക്കല്‍ ഛായാഗ്രഹണവും ഫ്രാന്‍സിസ് ലൂയിസ് എഡിറ്റിംഗും നിര്‍വ്വഹിക്കുന്നു. ചീഫ് അസ്സോസ്സിയേറ്റ് ഡയറക്ടര്‍ സുനില്‍ കാര്യാട്ടുകര,
അസ്സോസ്സിയേറ്റ് ഡയറക്ടേഴ്‌സ് സുമേഷ് മുണ്ടക്കല്‍, സാന്‍വിന്‍ സന്തോഷ്, സഹസംവിധാനം ആരോമല്‍ ശിവ, അരുണ്‍ കെ.എസ്., എക്‌സിക്യൂട്ടീവ് പ്രൊഡ്യൂസേര്‍സ് ബിനുകുമാര്‍, രതീഷ് സുകമാരന്‍, പ്രൊഡക്ഷന്‍ കണ്‍ട്രോളര്‍ സേതു അടൂര്‍ എന്നിവരാണ് അണിയറപ്രവര്‍ത്തകര്‍. വാര്‍ത്താപ്രചരണം വാഴൂര്‍ ജോസ്.
Recent Comments