തെലുഗു സൂപ്പര്‍സ്റ്റാര്‍ രാം ചരണിന്റെ പിറന്നാള്‍ ആഘോഷ പരിപാടി യുവ താരങ്ങളും പ്രമുഖ സംവിധായകരും RRR ടീമും ചേര്‍ന്ന് ഗംഭീര വിജയമാക്കി.
ഹൈദരാബാദിലെ മെഗാസ്റ്റാര്‍ ചിരഞ്ജീവിയുടെ വസതിയില്‍ നടന്ന പാര്‍ട്ടിയില്‍ തെലുങ്ക് സിനിമാ മേഖലയിലെ പ്രമുഖര്‍ പങ്കെടുത്തു. അതിഥികളായി അഭിനേതാക്കളായ വിജയ് ദേവര്‍കൊണ്ട, റാണ ദഗ്ഗുബതി, മിഹീക, നാഗാര്‍ജുന, അമല, അഖില്‍, നാഗ് ചൈതന്യ, വെങ്കിടേഷ് എന്നിവരും പങ്കെടുത്തു. സംവിധായകരായ എസ്എസ് രാജമൗലി, പ്രശാന്ത് നീല്‍, സുകുമാര്‍ തുടങ്ങിയവരും എത്തിയിരുന്നു.
ആഘോഷങ്ങള്‍ക്ക് മധുരമേറാന്‍ മുഴുവന്‍ RRR ടീമും ചടങ്ങില്‍ പങ്കെടുത്തിരുന്നു. സംവിധായകന്‍ എസ്.എസ്. രാജമൗലി, എം.എം. കീരവാണി, സെന്തില്‍, എസ്.എസ്. കാര്‍ത്തികേയ, രാഹുല്‍ സിപ്ലിഗഞ്ച്, കാല ഭൈരവ, നിര്‍മ്മാതാവ് ഡി.വി.വി. ദനയ്യ എന്നിവര്‍ എത്തിയതോടെ ആഘോഷം ഇരട്ടിയായി. ഓസ്‌കാര്‍ അവാര്‍ഡിന് ശേഷം ആദ്യമായാണ് RRR ടീം ഒത്തുചേരുന്നത്. ഇന്ത്യനും കോണ്ടിനെന്റല്‍ വിഭവങ്ങളുമാണ് ചടങ്ങിന് വിളമ്പിയത്.
ചടങ്ങിന്റെ ആതിഥേയരായി രാം ചരണും ഭാര്യ ഉപാസനയും ഒപ്പം ഉണ്ടായിരുന്നു. തെലുങ്ക് സിനിമയിലെ പ്രഗത്ഭരായ വ്യക്തികള്‍ക്കിടയില്‍ നിലനില്‍ക്കുന്ന ശക്തമായ ബന്ധത്തിന്റെ ഓര്‍മ്മപ്പെടുത്തല്‍ കൂടിയായിരുന്നു രാം ചരണിന്റെ പിറന്നാള്‍ ദിനത്തില്‍ കണ്ടത്. പിആര്‍ഒ ശബരി.
Recent Comments