തിരക്കഥാകൃത്ത് എസ്.എന്‍. സ്വാമി ആദ്യമായി സംവിധാനം ചെയ്യുന്ന സീക്രട്ട് എന്ന ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായി. യു സര്‍ട്ടിഫിക്കറ്റോടെ ജൂലൈ ഇരുപത്തി ആറിന് പ്രദര്‍ശനത്തിനെത്തും.
ലഷ്മി പാര്‍വ്വതി ഫിലിംസിന്റെ ബാനറില്‍ രാജേന്ദ്രപ്രസാദാണ് ചിത്രം നിര്‍മ്മിക്കുന്നത്. ആത്മവിശ്വാസമാണ് ജീവിതത്തിന്റെ അടിത്തറയെന്നതാണ് ചിത്രത്തിലൂടെ എസ്.എന്‍. സ്വാമി പറയാന്‍ ശ്രമിക്കുന്നത്.
വിശ്വാസവും, ബുദ്ധിയും, ശാസ്ത്രവുമൊക്കെ കൈകോര്‍ക്കുന്ന ചിത്രം പൂര്‍ണ്ണമായും ത്രില്ലര്‍ മൂഡിലാണ് അവതരിപ്പിക്കുന്നത്. ഒരു യുവാവിന്റെ വ്യക്തിജീവിതത്തില്‍ അരങ്ങേറുന്ന ഒരു പ്രശ്‌നത്തെ എങ്ങനെ നേരിടുന്നു എന്നതാണ് ഈ ചിത്രം കാട്ടിത്തരുന്നത്. യുവനിരക്കാരാണ് ഇക്കുറി സ്വാമിയുടെ അഭിനേതാക്കള്‍. ധ്യാന്‍ ശ്രീനിവാസന്‍ നായകനാകുന്ന സീക്രട്ടില്‍ അപര്‍ണ്ണാദാസാണ് നായിക. ജേക്കബ് ഗ്രിഗറി, രഞ്ജിത്ത്, രണ്‍ജി പണിക്കര്‍, കലേഷ് രാമാനന്ദ്, മണിക്കുട്ടന്‍, ജി. സുരേഷ് കുമാര്‍, ജയകൃഷ്ണന്‍, ആര്‍ദ്രാ മോഹന്‍ എന്നിവരും പ്രധാന താരങ്ങളാണ്.
സംഗീതം- ജെയ്ക് ബിജോയ്‌സ്, ഛായാഗ്രഹണം- ജാക്‌സന്‍ ജോണ്‍സണ്‍, എഡിറ്റിംഗ്- ബസോദ് ടി. ബാബുരാജ്,
കലാസംവിധാനം- സിറിള്‍ കുരുവിള, ചീഫ് അസ്സോസ്സിയേറ്റ് ഡയറക്ടര്‍- ശിവരാമകൃഷ്ണന്‍, നിര്‍മ്മാണ നിര്‍വ്വഹണം- അരോമ മോഹന്‍, പി.ആര്.ഒ- വാഴൂര്‍ ജോസ്.
Recent Comments