സാബര്‍മതി 2023-24 ചലച്ചിത്ര കലാ മിത്രാപുരസ്‌കാരത്തിന് മോളി കണ്ണമാലിക്കും മാധ്യമ മിത്രാ പുരസ്‌കാരം പി.ആര്. സുമേരനും, കാരുണ്യ മിത്രാ പുരസ്‌കാരം ബ്രദര്‍ ആല്‍ബിനും നല്‍കി. ആലപ്പുഴ പ്രസ്സ് ക്ലബ് ഹാളില്‍ നടന്ന ചടങ്ങില്‍ വച്ചാണ് അവാര്‍ഡുകള്‍ സമ്മാനിച്ചത്.
സാബര്‍മതി ചാരിറ്റബിള്‍ സൊസൈറ്റി സംസ്ഥാന ചെയര്‍മാനും രാഷ്ട്രപതി അവാര്‍ഡ് ജേതാവുമായ രാജു പള്ളിപ്പറമ്പില്‍ അധ്യക്ഷത വഹിച്ചു. ആലപ്പുഴ ജില്ലാ സിവില്‍ ജഡ്ജും ജില്ലാ ലീഗല്‍ സര്‍വീ സസ് അതോറിറ്റി സെക്രട്ടറിയുമായ പ്രമോദ് മുരളി ചടങ്ങ് ഉദ്ഘാടനം ചെയ്തു. എഴുത്തുകാരനും നിര്‍മ്മാതാവും സംവിധായകനും ലോക റെക്കോര്‍ഡ് ജേതാവുമായ ജോയി കെ. മാത്യു മുഖ്യാതിഥിയായിരുന്നു. നടനും നിര്‍മ്മാതാവും ദേശീയ അവാര്‍ഡ് ജേതാവുമായ റ്റോം സ്‌കോട് അവാര്‍ഡുകള്‍ വിതരണം ചെയ്തു.
ജില്ലാ ലീഗല്‍ എയ്ഡ് ഡിഫന്‍സ് കൗണ്‍സില്‍ ചീഫ് അഡ്വ. പി.പി. ബൈജു, സാബര്‍മതി സാംസ്‌കാരികവേദി സംസ്ഥാന പ്രസിഡന്റ് ജോസഫ് മാരാരിക്കുളം, സാബര്‍മതി സാംസ്‌കാരികവേദി ജനറല്‍ സെക്രട്ടറി ടോം ജോസഫ് ചമ്പക്കുളം, സാബര്‍മതി ജനറല്‍ സെക്രട്ടറി ഗ്രേയ്‌സി സ്റ്റീഫന്‍, സാബര്‍മതി ട്രഷറര്‍ എം.ഇ. ഉത്തമക്കുറുപ്പ് തുടങ്ങി കലാ-സാമൂഹ്യ- സാംസ്‌കാരിക മേഖലകളിലെ പ്രമുഖര്‍ ചടങ്ങില്‍ പങ്കെടുത്തു.
Recent Comments