ഒരിടവേളയ്ക്ക് ശേഷം സൈജു കുറുപ്പ് നായകവേഷത്തില്‍ എത്തുന്ന ഏറ്റവും പുതിയ ചിത്രമാണ് ഉപചാരപൂര്‍വം ഗുണ്ടജയന്‍. താരത്തിന്റെ കരിയറിലെ നൂറാമത് ചിത്രം കൂടിയായ ഈ സിനിമ ദുല്‍ഖറിന്റെ വേഫാറർ ഫിലിംസും സെബാബ് ആനിക്കാടും ചേര്‍ന്നാണ് നിര്‍മ്മിച്ചിരിക്കുന്നത്. ചിത്രം ഈ മാസം 25 ന് റിലീസിന് ഒരുങ്ങവെ സിനിമയുടെ ഒഫീഷ്യല്‍ ടിക്കറ്റ് ലോഞ്ച് നിര്‍വഹിച്ചിരിക്കുകയാണ് അതില്‍ അഭിനയിച്ചിരിക്കുന്ന താരങ്ങളും ദുല്‍ഖര്‍ ഫാന്‍സും.
ദുല്‍ഖര്‍ ഫാന്‍സിന്റെ പതിനാലു ജില്ലകളിലുമുള്ള ഭാരവാഹികള്‍ വഴിയാണ് ഈ ലോഞ്ചിങ് നടത്തി,,യത്. സൈജു കുറുപ്പ്, സംവിധായകന്‍ അരുണ്‍ വൈഗ, സഹ താരങ്ങളായ സിജു വില്‍സണ്‍, ശബരീഷ് വര്‍മ്മ എന്നിവരില്‍ നിന്നും ഓള്‍ കേരള ദുല്‍ഖര്‍ സല്‍മാന്‍ ഫാന്‍സ് & വെല്‍ഫെയര്‍ അസോസിയേഷന്‍ സ്റ്റേറ്റ് കോഓര്‍ഡിനേറ്റ്സ് ആയ അമീര്‍ തൊടുപുഴ, ഷഫീക്ക് എറണാകുളം എന്നിവര്‍ ചേര്‍ന്ന് ഏറ്റുവാങ്ങി.
ഒരു കല്യാണത്തിന്റെ പശ്ചാത്തലത്തില്‍ കഥ പറയുന്ന ചിത്രത്തില്‍ സിജു വില്‍സണ്‍, ശബരീഷ് വര്‍മ്മ, ജോണി ആന്റണി, സാബുമോന്‍, സുധീര്‍ കരമന, ജാഫര്‍ ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര്‍ സൂര്യ, വൃന്ദ മേനോന്‍, നയന, പാര്‍വതി എന്നിവരും നിര്‍ണ്ണായക വേഷങ്ങള്‍ ചെയ്തിരിക്കുന്നു. കുറുപ്പ് സിനിമയുടെ വിജയത്തിന് ശേഷം ദുല്‍ഖര്‍ സല്‍മാന്‍ നിര്‍മ്മിച്ച ചിത്രം കൂടിയാണ് ഉപചാരപൂര്‍വം ഗുണ്ടജയന്‍.
-ഷെറുന്‍ തോമസ്‌
Recent Comments