ഭരതനാട്യം എന്ന ചിത്രത്തിലൂടെ നടന്‍ സൈജു കുറുപ്പ് നിര്‍മ്മാണ രംഗത്തേക്കു പ്രവേശിക്കുന്നു. ചിത്രത്തില്‍ സൈജു തന്നെയാണ് നായകന്‍ ഷോര്‍ട്ട് ഫിലിമുകളിലൂടെ ശ്രദ്ധേയനായ കൃഷ്ണ ദാസ് മുരളിയാണ് തിരക്കഥ രചിച്ച് സംവിധാനം ചെയ്യുന്നത്. അങ്കമാലിയില്‍ ചിത്രത്തിന്റെ ഷൂട്ടിംഗ് ആരംഭിച്ചു.
ഗ്രാമീണ പശ്ചാത്തലത്തില്‍ പ്രബലമായ കുടുംബത്തെ കേന്ദ്രീകരിച്ചുള്ള ഒരു ഫാമിലി ഡ്രാമയാണ് ചിത്രം. കുടുംബ ബന്ധങ്ങളുടെ കെട്ടുറപ്പും, സമൂഹത്തിലെ പൊതുവായ പ്രശ്‌നങ്ങളുമൊക്കെ ചിത്രം ചര്‍ച്ച ചെയ്യുന്നു. നാട്ടിലെ പൊതു കാര്യങ്ങളില്‍ സജീവ സാന്നിദ്ധ്യമായ സൈജു കുറുപ്പ് അവതരിപ്പിക്കുന്ന കഥാപാത്രത്തെ കേന്ദ്രീകരിച്ചാണ് കഥ പുരോഗമിക്കുന്നത്.
സായ്കുമാര്‍, കലാരഞ്ജിനി, മണികണ്ഠന്‍ പട്ടാമ്പി, അഭിരാം രാധാകൃഷ്ണന്‍, നന്ദു പൊതുവാള്‍, സോഹന്‍ സീനുലാല്‍, ഗംഗ (ആന്‍ഡ്രോയ്ഡ് കുഞ്ഞപ്പന്‍ ഫെയിം), ശ്രുതി സുരേഷ് (പാല്‍തൂ ജാന്‍വര്‍ ഫെയിം) എന്നിവരും പ്രധാന വേഷമണിയുന്നു.
തോമസ് തിരുവല്ലാ ഫിലിംസിന്റെ ബാനറില്‍ ലിനി മറിയം ഡേവിഡ്, അനുപമ നമ്പ്യാര്‍, സൈജുക്കുറുപ്പ് എന്റര്‍ടൈന്‍മെന്റിന്റെ ബാനറില്‍ സൈജു കുറുപ്പ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. മനു മഞ്ജിത്തിന്റെ വരികള്‍ക്ക് സാമുവല്‍ എബി ഈണം പകര്‍ന്നിരിക്കുന്നു.
Recent Comments