മഹാരാഗ്നി-ക്വീന്‍ ഓഫ് ക്വീന്‍സ് ചിത്രത്തിലൂടെ മലയാള നടി സംയുക്ത ബോളിവുഡില്‍ അരങ്ങേറ്റം കുറിക്കുകയാണ്. ചരണ്‍ തേജ് ഉപ്പളപതി സംവിധാനം ചെയ്യുന്ന ചിത്രത്തില്‍ കാജോള്‍, നസിറുദ്ദീന്‍ ഷാ, പ്രഭുദേവ, സംയുക്ത എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ടീസര്‍ കുറച്ച് ദിവസങ്ങള്‍ക്ക് മുമ്പ് പുറത്തുവന്നിരുന്നു. ഇതുവരെ കാണാത്ത മേക്കോവറിലാണ് കജോളും സംയുക്തയുമെത്തുന്നത്.
വെങ്കട അനീഷ് ഡോറിഗില്ലു, ഹര്‍മന്‍ ബവേജ എന്നിവര്‍ ചേര്‍ന്ന് നിര്‍മ്മിച്ച മഹാരാഗ്‌നിയില്‍ ജിഷു സെന്‍ഗുപ്ത, ആദിത്യ സീല്‍, ഛായ കദം, പ്രമോദ് പഥക് എന്നിവരും അഭിനയിക്കുന്നു. ഹര്‍ഷവര്‍ധനാണ് ചിത്രത്തിന്റെ സംഗീത സംവിധായകന്‍.
ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളില്‍ മഹാരാഗ്നി ഇന്ത്യയിലുടനീളം റിലീസ് ചെയ്യും. മിന്‍സാര കനവ് എന്ന ചിത്രത്തിന് ശേഷം 27 വര്‍ഷങ്ങള്‍ക്ക് ശേഷം കജോളും പ്രഭദേവയും വീണ്ടും ഒന്നിക്കുന്ന ചിത്രം കൂടിയാണ് മഹാരാഗ്നി.
Recent Comments