വിജയ്‌യെ നായകനാക്കി ലോകേഷ് കനകരാജ് സംവിധാനം ചെയ്യുന്ന ലിയോയുടെ ചിത്രീകരണം ചെന്നൈയില്‍ പുരോഗമിക്കുകയാണ്. വിജയ്‌യെ കൂടാതെ അര്‍ജുന്‍, സഞ്ജയ്ദത്ത്, പ്രിയാനന്ദ്, ഗൗതം വാസുദേവ് മേനോന്‍, മിഷ്‌കിന്‍, മന്‍സൂര്‍ അലിഖാന്‍, മാത്യു തോമസ്, സാന്‍ഡി എന്നിവരും ചിത്രത്തില്‍ അണിനിരക്കുന്നു. മാസ്റ്ററിന് ശേഷം വിജയ്‌യും ലോകേഷ് കനകരാജും ഒന്നിക്കുന്ന രണ്ടാമത്തെ ചിത്രംകൂടിയാണിത്.
സഞ്ജയ് ദത്ത് പ്രതിനായകനായി എത്തുമെന്നായിരുന്നു ആദ്യകാല വാര്‍ത്തകള്‍. എന്നാല്‍ അദ്ദേഹം വിജയ്യുടെ അച്ഛനായി ചിത്രത്തില്‍ അഭിനയിക്കുന്നുവെന്നതാണ് ഏറ്റവും ഒടുവിലായി ലഭിക്കുന്ന വിവരം. ഇരുവരും സ്‌ക്രീന്‍ സ്‌പേസ് പങ്കിടുന്നത് കാണാന്‍ പ്രേക്ഷകര്‍ ആകാംഷയോടെ കാത്തിരിക്കുകയാണ്. എന്നാല്‍ ഇതുവരെ ഈ വാര്‍ത്ത സ്ഥിരീകരിച്ചിട്ടില്ല.
വിജയും അര്‍ജുനും തമ്മിലുള്ള ഒരു ആക്ഷന്‍ സീക്വന്‍സാണ് ഇപ്പോള്‍ ചെന്നൈയില്‍ ചിത്രീകരിക്കുന്നത്. തുടര്‍ന്ന് ക്ലൈമാസ് രംഗങ്ങള്‍ക്കായി ലിയോ ടീം ഹൈദരാബാദിലേയ്ക്ക് തിരിക്കും. അനിരുദ്ധ് രവിചന്ദറാണ് സംഗീതം ഒരുക്കിയിരിക്കുന്നത്. ചിത്രം ഒക്ടോബര്‍ 19 ന് തിയേറ്ററുകളില്‍ റിലീസിനെത്തുമെന്നാണ് സൂചന.
Recent Comments