ആമിര്‍ ഖാന്‍ പ്രൊഡക്ഷന്‍സ് നിര്‍മ്മിക്കുന്ന ഏറ്റവും പുതിയ ചിത്രമാണ് 1947 ലാഹോര്‍. രാജ് കുമാര്‍ സന്തോഷി സംവിധാനം ചെയ്യുന്ന ചിത്രത്തില്‍ കേന്ദ്ര കഥാപാത്രത്തെ അവതരിപ്പിക്കുന്നത് സണ്ണി ഡിയോളാണ്. ഇപ്പോള്‍ ചിത്രത്തിന്റെ അണിയറ പ്രവര്‍ത്തകരില്‍ ഛായാഗ്രാഹകനായി സന്തോഷ് ശിവനും എത്തിയിരിക്കുകയാണ്.
‘സന്തോഷ് ശിവന്‍ രാജ്യത്തെ ഏറ്റവും മികച്ച ക്യാമറാമാനാണ്. ഞാന്‍ സംവിധാനം ചെയ്ത പുക്കാര്‍, ബര്‍സാത്ത് എന്നീ രണ്ട് ചിത്രങ്ങളില്‍ സന്തോഷ് ഛായാഗ്രാഹകനായി സഹകരിച്ചിട്ടുണ്ട്. ഞാന്‍ അഭിനയിച്ച ഒരേയൊരു ചിത്രവും സന്തോഷ് ശിവന്‍ സംവിധാനം ചെയ്ത ഹാലോയാണ്. പതിറ്റാണ്ടുകളുടെ ബന്ധം ഞങ്ങള്‍ പരസ്പരം പങ്കിടുന്നു, ഇത്തവണ ഞങ്ങള്‍ ലാഹോര്‍ 1947 ന് വേണ്ടി വീണ്ടും ഒന്നിക്കുന്നു.’ എന്ന് സംവിധായകന്‍ രാജ്കുമാര്‍ സന്തോഷി പറഞ്ഞു.
സണ്ണി ഡിയോള്, രാജ് കുമാര്‍ സന്തോഷി, ആമിര്‍ ഖാന്‍ എന്നിവര്‍ ആദ്യമായി ഒന്നിക്കുന്ന ചിത്രമാണിത്. ജാവേദ് അക്തറിന്റെ വരികള്‍ക്ക് എആര്‍ റഹ്മാനാണ് സംഗീതം നല്‍കുന്നത്. ചിത്രത്തിനെ കുറിച്ചുള്ള കൂടുതല്‍ വിവരങ്ങള്‍ പുറത്ത് വിട്ടിട്ടില്ല.
Recent Comments