സിംഗപ്പൂര്‍ ഇന്റര്‍നാഷണല്‍ ഫിലിം ഫെസ്റ്റിവലിലും ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് ഇന്ത്യ(IFFI) ജ്യൂറിയിലും ഭാഗമായി ഛായാഗ്രാഹകന്‍ സന്തോഷ് ശിവന്. ആദ്യമായാണ് സന്തോഷ് ശിവന് ജ്യൂറികളുടെ ഭാഗമാകുന്നത്.
ഐഎഫ്എഫ്‌ഐയുടെ മികച്ച നവാഗത സംവിധായകനെ കണ്ടെത്തുന്നതിനുള്ള ജ്യൂറിയിലെ ചെയര്‍പേഴ്‌സണ്‍ സ്ഥാനമാണ് സന്തോഷ് ശിവന് അലങ്കരിക്കുന്നത്. ഈ മാസം ഇരുപതാം തിയതി മുതല്‍ ഗോവയില്‍ വെച്ചാണ് ഐ എഫ് എഫ് ഐ നടക്കുന്നത് .ഈ വര്‍ഷം മുതല്‍ ആരംഭിച്ച നവാഗതസംവിധായകന്റെ സിനിമയ്ക്കുള്ള മല്‍സരവിഭാഗത്തില്‍ രാഗേഷ് നാരായണന്‍ തിരക്കഥയെഴുതി സംവിധാനം ചെയ്ത തണുപ്പ് മല്‍സരത്തിനായി ഉണ്ട്. മലയാളത്തില്‍നിന്നുള്ള ഏക എന്‍ട്രിയാണ് തണുപ്പ്.
ഏഷ്യന്‍ ഫീച്ചര്‍ ഫിലിം മത്സരത്തിന്റെ ജൂറിയിലാണ് സിംഗപ്പൂര്‍ ഇന്റര്‍നാഷണല്‍ ഫിലിം ഫെസ്റ്റിവലില്‍ സന്തോഷ് ശിവന് അംഗമായിരിക്കുന്നത്. ഈ മാസം 28-ാം തിയതി മുതല്‍ ഫെസ്റ്റിവലിന് ആരംഭമാകും.
Recent Comments