ഇതിഹാസ സാഹിത്യകാരന്‍ കല്‍ക്കിയുടെ പ്രസിദ്ധമായ ചരിത്ര നോവലിനെ ആധാരമാക്കി മണിരത്‌നം അണിയിച്ചൊരുക്കിയ ബ്രഹ്‌മാണ്ഡ ചിത്രം പൊന്നിയിന്‍ സെല്‍വനിലെ ക്യാരക്ടര്‍ പോസ്റ്റര്‍ പുറത്തിറക്കി. വലിയ പഴുവേട്ടവരായരായി ശരത് കുമാറിനെയും ചിന്ന പഴുവേട്ടവരായരായി പാര്‍ത്ഥിപനെയും പരിചയപ്പെടുത്തികൊണ്ടുള്ള ക്യാരക്ടര്‍ പോസ്റ്ററാണ് പുറത്തിറങ്ങിയത്. ആദിത്യ കരികാലനായി വിക്രമിമനെ പരിചയപ്പെടുത്തികൊണ്ടുള്ള പോസ്റ്റര്‍ മുന്‍പേ ഇറങ്ങിയിരുന്നു.
500 കോടി മുതല്‍ മുടക്കില്‍ ഒരുങ്ങുന്ന ചിത്രം മണിരത്നത്തിന്റെ മദ്രാസ് ടാക്കീസും ലൈക പ്രോഡക്ഷനും ചേര്‍ന്നാണ് നിര്‍മ്മിച്ചിരിക്കുന്നത്. പത്താം നൂറ്റാണ്ടില്‍, ചോള ചക്രവര്‍ത്തിയുടെ സിംഹാസനത്തിന് നേരിടേണ്ടി വന്ന തുടര്‍പ്രതിസന്ധികളും അപകടങ്ങളും സൈന്യത്തിനും ശത്രുക്കള്‍ക്കും ചതിയന്മാര്‍ക്കും ഇടയില്‍ നടക്കുന്ന പോരാട്ടങ്ങളുമാണ് ചിത്രത്തില്‍ ആവിഷ്‌കരിച്ചിരിക്കുന്നത്.
ഐശ്വര്യാ റായ്, തൃഷ, ജയംരവി, കാര്‍ത്തി, റഹ്‌മാന്‍, പ്രഭു, ജയറാം, ഐശ്വര്യ ലക്ഷ്മി, പ്രകാശ് രാജ്, ലാല്‍, വിക്രം പ്രഭു, ബാബു ആന്റണി, അശ്വിന്‍ കാകുമാനു, റിയാസ് ഖാന്‍, ശോഭിതാ ദുലിപാല, ജയചിത്ര തുടങ്ങി ഒട്ടേറേ അഭിനേതാക്കളും ചിത്രത്തില്‍ അണിനിരക്കുന്നുണ്ട്. ചോഴ രാജകുമാരി കുന്ധവിയെ അവതരിപ്പിക്കുന്നത്തൃഷയാണ്. ഏ.ആര്‍.റഹ്‌മാനാണ് സംഗീതസംവിധായകന്‍.. തമിഴ്, ഹിന്ദി, തെലുഗു, മലയാളം, കന്നഡ എന്നീ 5 ഭാഷകളിലായിട്ടാണ് ചിത്രം ഒരുക്കിയിരിക്കുന്നത്.. സെപ്റ്റംബര്‍ 30 നു ചിത്രം ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ കേരളത്തിലെ തീയേറ്ററുകളില്‍ എത്തിക്കും. പി.ആര്‍.ഒ ശബരി.
Recent Comments