കമല്‍ സംവിധാനം ചെയ്യുന്ന വിവേകാനന്ദന്‍ വൈറലാണ് എന്ന ചിത്രത്തിന്റെ സെക്കന്റ് ലുക്ക് പോസ്റ്റര്‍ പുറത്ത് വിട്ടു. നായകനായ ഷൈന്‍ ടോം ചാക്കോയ്‌ക്കൊപ്പം അഞ്ചു സ്ത്രീ കഥാപാത്രങ്ങളുടെ ഫോട്ടോ സഹിതമാണ് പോസ്റ്റര്‍ പ്രത്യക്ഷപ്പെട്ടിരിക്കുന്നത്. ഗ്രേസ് ആന്റണി. സാസ്വിക, മെറീനാ മൈക്കിള്‍, അനുഷാ രാജന്‍, അഞ്ജലി രാജ് എന്നിവരാണ് പോസ്റ്ററിലുള്ള നടിമാര്‍.
സര്‍ക്കാര്‍ ജീവനക്കാരനായ വിവേകാനന്ദന്റെ ജീവിതത്തിലേക്ക് വ്യത്യസ്ത സാഹചര്യങ്ങളില്‍ അഞ്ചു സ്തീകള്‍ കടന്നുവരുന്നതും അവര്‍ അത് അയാളുടെ ജീവിതത്തെ ഏതൊക്കൊ വിധത്തില്‍ സ്വാധീനിക്കുന്നു എന്നുമാണ് ചിത്രം പറയുന്നത്.
നെടിയത്ത് ഫിലിംസിന്റെ ബാനറില്‍ നെടിയത്ത് നസീബും പി.എസ്. ഷെല്ലിയും ചേര്‍ന്നാണ് ഈ ചിത്രം നിര്‍മ്മിക്കുന്നത്. ജോണി ആന്റണി, ശരത് സഭാ, നിയാസ് ബക്കര്‍, പ്രമോദ് വെളിയനാട്, സിദ്ധാര്‍ത്ഥ് ശിവ, വിനീത് തട്ടില്‍, ജോസുകുട്ടി, മാലാ പാര്‍വ്വതി, നീനാക്കുറുപ്പ്, രമ്യാ സുരേഷ്, മഞ്ജു പിള്ള, സ്മിനു സിജോ എന്നിവരും പധാന വേഷങ്ങളിലെത്തുന്നു. പി.ആര്‍.ഒ വാഴൂര്‍ ജോസ്.
Recent Comments