തെലുങ്കിലെ യുവതാരങ്ങളില്‍ ശ്രദ്ധേയനായ ആദിവി ശേഷിനൊപ്പം ഇമ്രാന് ഹാഷ്മിയും ഒന്നിക്കുന്ന ചിത്രമാണ് G2 . തെലുങ്കിലെ വമ്പന്‍ ഹിറ്റായി മാറിയ ഗൂഡാചാരിയുടെ രണ്ടാം ഭാഗമായ ചിത്രത്തില്‍ വില്ലനായിട്ടാണ് ഇമ്രാന് ഹാഷ്മി അഭിനയിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ ഇതിനോടകം തന്നെ ജനപ്രീതി നേടിക്കഴിഞ്ഞു.
ടൈഗര്‍ 3ല്‍ അതിഗംഭീരമായ പ്രകടനത്തിന് ശേഷമാണ് ഇമ്രാന് തെലുങ്കിലേക്ക് വരുന്നത്. ‘ഇമ്രാന് ഹാഷ്മി ചിത്രത്തിലേക്ക് എത്തുന്നതിന്റെ ത്രില്ലിലാണ് ഞാന്‍. ചിത്രത്തിന് പുതിയൊരു തലം സൃഷ്ടിക്കാന്‍ അദ്ദേഹത്തിന്റെ വരവോട് കൂടി തീര്‍ച്ചയായും സാധിക്കും. ‘എന്നാണ് ആദിവി ശേഷ് സിനിമയെ കുറിച്ച് പറഞ്ഞത്.’
‘G2 ലേക്ക് ജോയിന്‍ ചെയ്യുന്നത് ഒരുപാട് ആവേശം നല്‍കുന്നു. ഗംഭീരമായ തിരക്കഥയുള്ള ചിത്രത്തില്‍ ഞാന്‍ ഉറ്റുനോക്കുന്നു.’ എന്ന് ഇമ്രാന് ഹാഷ്മിയും പറഞ്ഞു. ചിത്രത്തില്‍ നായികയായി ബനിത സന്ധുവാണ്. ഒരു ആക്ഷന്‍ ത്രില്ലര്‍ എന്ന നിലയിലാണ് ചിത്രം ഒരുങ്ങുന്നത്.
പീപ്പിള്‍ മീഡിയ ഫാക്ടറി, അഭിഷേക് അഗര്‍വാള്‍ ആര്‍ട്സ്, എ കെ എന്റര്‍ടൈന്മെന്റ്‌സിന്റെ ബാനറില്‍ ടി ജി വിശ്വ പ്രസാദും അഭിഷേക് അഗര്‍വാളും ചേര്‍ന്നാണ് ചിത്രം നിര്‍മിക്കുന്നത്. വിനയ് കുമാര്‍ സിരിഗിനീടിയാണ് സംവിധാനം.
Recent Comments