മെഡിക്കല്‍ കോളേജ് കാംബസിന്റെ പശ്ചാത്തലത്തില്‍ ഷാജി കൈലാസ് സംവിധാനം ചെയ്യുന്ന ചിത്രമാണ് ഹണ്ട്. അതിന്റെ ഷൂട്ടിംഗ് പാലക്കാട് ആരംഭിച്ചു. കഞ്ചിക്കോട്ട് സുര്യ റിട്രീറ്റില്‍ നടന്ന ലളിതമായ ചടങ്ങില്‍ സംവിധായകന്‍ ഷാജി കൈലാസ് ആദ്യ ഭദ്രദീപം തെളിയിച്ചതോടെയാണ് ഷൂ്ട്ടിംഗിന് തുടക്കമായത്. ഭാവനയാണ് ആദ്യ ഷോട്ടില്‍ അഭിനയിച്ചത്. ജയലഷ്മി ഫിലിംസിന്റെ ബാനറില്‍ കെ.രാധാകൃഷ്ണനാണ് ചിത്രം നിര്‍മ്മിക്കുന്നത്. ഒരു ഹൊറര്‍ സസ്‌പെന്‍സ് ചിത്രമാണ് ഹണ്ട്.
പി.ജി. റസിഡന്റ് ഡോ. കീര്‍ത്തിയുടെ മുന്നിലെത്തുന്ന ഒരു കേസിന്റെ ചുരുളുകള്‍ നിവര്‍ത്തുന്നതിലൂടെയാണ് ചിത്രത്തിന്റെ കഥാവികസനം. തുടക്കം മുതല്‍ അവസാനം വരെ പ്രേഷകനെ ഉദ്വേഗത്തിന്റെ മുള്‍ മുനയില്‍ നിര്‍ത്തിക്കൊണ്ടാണ് ഷാജി കൈലാസ് ഈ ചിത്രത്തെ അവതരിപ്പിക്കുന്നത്. ഭാവനയാണ് ഡോ. കീര്‍ത്തിയെ അവതരിപ്പിക്കുന്നത്. ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത് അതിഥി രവിയാണ്. ഡോ. സാറ ആണ് കഥാപാത്രത്തിന്റെ പേര്. അജ്മല്‍ അമീര്‍, രാഹുല്‍ മാധവ്, അനുമോഹന്‍, രണ്‍ജി പണിക്കര്‍, ചന്തു നാഥ്, ജി. സുരേഷ് കുമാര്‍ നന്ദു ലാല്‍, ഡെയ്ന്‍ ഡേവിഡ്, വിജയകുമാര്‍, ബിജു പപ്പന്‍കോട്ടയം നസീര്‍, ദിവ്യാ നായര്‍, സോനു എന്നിവരും പ്രധാന താരങ്ങളാണ്.
രചന നിഖില്‍ എസ്. ആനന്ദ്. ഹരി നാരായണന്‍, സന്തോഷ് വര്‍മ്മ എന്നിവരുടെ വരികള്‍ക്ക് കൈലാസ് മേനോന്‍ ഈണം പകര്‍ന്നിരിക്കുന്നു. ജാക്‌സണ്‍ ജോണ്‍സണ്‍ ഛായാഗ്രഹണവും അജാസ് മുഹമ്മദ് എഡിറ്റിംഗും നിര്‍വ്വഹിക്കുന്നു. കലാസംവിധാനം ബോബന്‍, മേക്കപ്പ് പി.വി. ശങ്കര്‍, കോസ്റ്റ്യം ഡിസൈന്‍ ലിജി പ്രേമന്‍, ചീഫ് അസ്സോസ്സിയേറ്റ് ഡയറക്ടര്‍ മനു സുധാകര്‍ ഓഫീസ് നിര്‍വ്വഹണം ദില്ലി ഗോപന്‍. പ്രൊഡക്ഷന്‍ എക്‌സിക്കുട്ടീവ്‌സ് പ്രതാപന്‍ കല്ലിയൂര്‍, ഷെറിന്‍ സ്റ്റാന്‍ലി. പ്രൊഡക്ഷന്‍ കണ്‍ട്രോളര്‍ സഞ്ജുജെ., പി.ആര്.ഒ. വാഴൂര്‍ ജോസ്, ഫോട്ടോ ഹരി തിരുമല.
പാലക്കാടും പരിസരങ്ങളിലുമായി ചിത്രീകരണം പൂര്‍ത്തിയാകുന്ന ഈ ചിത്രം ഉര്‍വ്വശി തീയേറ്റേഴ്‌സ് റിലീസ് പ്രദര്‍ശനത്തിനെത്തിക്കുന്നു.
Recent Comments