പ്രിയദര്‍ശന്‍ തിരക്കഥയെഴുതി സംവിധാനം ചെയ്യുന്ന ചിത്രത്തില്‍ ഷെയ്ന്‍ നിഗം നായകനാകുന്നു. ഇതാദ്യമായാണ് ഒരു യുവതാരത്തെ കേന്ദ്രകഥാപാത്രമാക്കി പ്രിയന്‍ ഒരു ചിത്രം സംവിധാനം ചെയ്യുന്നത്. ഷൈന്‍ ടോം ചാക്കോയും അര്‍ജുന്‍ അശോകനും അപ്പാനിശരത്തുമാണ് യുവതലമുറയില്‍ നിന്നുള്ള മറ്റ് താരങ്ങള്‍. നായികയ്ക്ക് വേണ്ടിയുള്ള അന്വേഷണത്തിലാണ്. മണിയന്‍പിള്ള രാജു, സിദ്ധിഖ്, ജോണി ആന്റണി, എന്നിവരാണ് കാസ്റ്റ് ചെയ്യപ്പെട്ട മറ്റു താരങ്ങള്‍.
ചിത്രത്തിന്റെ ഷൂട്ടിംഗ് സെപ്തംബര്‍ 10 ന് എറണാകുളത്ത് ആരംഭിക്കും. തൊടുപുഴയാണ് മറ്റൊരു ലൊക്കേഷന്‍.
ഫോര്‍ ഫ്രെയിംസ്, ബാദുഷ സിനിമാസ് എന്നീ ബാനറുകളില്‍ പ്രിദര്‍ശന്‍, എന്‍.എം. ബാദുഷ, ഷിനോയ് മാത്യു എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. പ്രിയദര്‍ശന്റെ ആദ്യ നിര്‍മ്മാണസംരംഭംകൂടിയാണിത്.
എം.ജി. ശ്രീകുമാറാണ് ചിത്രത്തിനുവേണ്ടി സംഗീതം ഒരുക്കുന്നത്. ദിവാകറാണ് ക്യാമറാമാന്‍. ഷാനവാസ് ഷാജഹാനും സജിയുമാണ് ലൈന്‍ പ്രൊഡ്യൂസേഴ്‌സ്.
Recent Comments