മലയാള സിനിമയിയുടെ വസന്തകാലമായിരുന്ന 1980കളിലെ നായകന്‍ ശങ്കറിന്റെ ശക്തമായ തിരിച്ചുവരവാണ് ഓര്‍മ്മകളില്‍. ചിത്രത്തിന്റെ ഓഡിയോ റിലീസ് പ്രശസ്ത താരങ്ങളുടെ സാന്നിധ്യത്തില്‍ നടന്നു. കഥയാണ് ഈ സിനിമയിലെ നായകന്‍ എന്ന് നടന്‍ ശങ്കര്‍ അഭിപ്രായപ്പെട്ടു. പ്രീമിയര്‍ സിനിമാസിന്റെ ബാനറില്‍ എം. വിശ്വപ്രതാപ് രചനയും സംവിധാനവും നിര്‍വഹിച്ച ചിത്രമാണ് ഓര്‍മ്മകളില്‍.
ഒരമ്മ തന്റെ കുഞ്ഞുങ്ങള്‍ക്ക് നല്‍കുന്ന സ്‌നേഹത്തിന്റെയും വാത്സല്യത്തിന്റെയും കണക്ക് ആര്‍ക്കും അളക്കുവാന്‍ ആവില്ല. ജേര്‍ണി ഓഫ് ലൈഫ് ആന്‍ഡ് എ മദേഴ്‌സ് പാഷനില്‍ കൂടെ സഞ്ചരിക്കുന്നതാണ് ഓര്‍മ്മകളില്‍ എന്ന ചിത്രം. ഇമോഷണലും ഫിലോസഫിയും ഇടകലര്‍ത്തി കൊണ്ടുള്ള ഫാമിലി സെന്റിമെന്റല്‍ ത്രില്ലര്‍ ചിത്രമാണിത്.
ശങ്കറിനെ കൂടാതെ ഷാജു ശ്രീധര്‍, നാസര്‍ ലത്തീഫ്, ദീപ കര്‍ത്താ, പൂജിത മേനോന്‍, വിജയകുമാരി, അജയ്, ആര്യന്‍ കദൂരിയ, റോഷന്‍ അബ്ദുല്‍, മാസ്റ്റര്‍ ദൈവിക്, സതീഷ് തൃപ്പരിപ്പ്, ശ്രീരാം ശര്‍മ, സുരേഷ് കുമാര്‍ പി. എന്നിവരും ചിത്രത്തില്‍ അഭിനയിക്കുന്നു.
പറളിയാര്‍ വെള്ളച്ചാട്ടത്തിന്റെ പരിസരപ്രദേശങ്ങള്‍ മാത്തൂര്‍ ബാസിന്‍ ബ്രിഡ്ജ്, വൈകുണ്ഡം പ്ലാന്റേഷന്‍സ് എന്നിവിടങ്ങളാണ് ചിത്രത്തിന്റെ ലൊക്കേഷന്‍. എം. വിശ്വപ്രതാപിന്റെ വരികള്‍ക്ക് ജോയ് മാക്‌സ് വെല്‍ ആണ് സംഗീതം നിര്‍വ്വഹിച്ചിരിക്കുന്നത്. സുജാത മോഹനനും ജാസി ഗിഫ്റ്റുമാണ് ഗാനങ്ങള്‍ ആലപിച്ചിരിക്കുന്നത്. ഛായാഗ്രഹണം നിതിന്‍ കെ രാജ്. എഡിറ്റിംഗ് വിപിന്‍ മണ്ണൂര്‍. പ്രൊഡക്ഷന്‍ കണ്‍ട്രോളര്‍ ജയശീലന്‍ സദാനന്ദന്‍. ചീഫ് അസോസിയേറ്റര്‍ ഡയറക്ടര്‍ എ എല്‍ അജികുമാര്‍. പശ്ചാത്തല സംഗീതം സുധേന്ദു രാജ്. സ്റ്റില്‍സ് അജേഷ് ആവണി. വിതരണം സാഗ ഇന്റര്‍നാഷണല്‍. പിആര്‍ഒ അജയ് തുണ്ടത്തില്‍, എം.കെ. ഷെജിന്‍.
Recent Comments