ബംഗ്ലാദേശിലെ കലാപത്തില്‍ നിന്ന് ജീവനും കൊണ്ട് രാജ്യംവിട്ട ഷെയ്ഖ് ഹസീനയ്ക്കും സംഘത്തിനും വസ്ത്രങ്ങള്‍ പോലും കയ്യില്‍ കരുതാന്‍ കഴിഞ്ഞില്ലെന്ന് റിപ്പോര്‍ട്ട്. സര്‍ക്കാരിനെതിരായ കലാപത്തില്‍ നിന്ന് രക്ഷപ്പെട്ട് തിങ്കളാഴ്ച അവര്‍ ഇന്ത്യയിലെത്തിയിരുന്നു. ബംഗ്ലാദേശ് സൈന്യം ഷെയ്ഖ് ഹസീനയ്ക്ക് രാജ്യം വിടാന്‍ നല്‍കിയത് വെറും 45 മിനിറ്റ് മാത്രമാണ്… അതിനാല്‍ അധിക വസ്ത്രങ്ങളോ നിത്യോപയോഗ വസ്തുക്കളോ കൊണ്ടുപോകാന്‍ കഴിഞ്ഞില്ല.
ഷെയ്ഖ് ഹസീന തന്റെ സഹോദരി ഷെയ്ഖ് രഹനയ്ക്കും അടുത്ത സഹായികള്‍ക്കുമൊപ്പം ഒരു മിലിട്ടറി ട്രാന്‍സ്‌പോര്‍ട്ട് ജെറ്റിലാണ് ഇന്ത്യയിലേക്ക് പുറപ്പെട്ടത്. പിന്നീട് ഡല്‍ഹിക്ക് സമീപമുള്ള ഹിന്‍ഡണ്‍ എയര്‍ബേസില്‍ ഇറങ്ങി. ഷെയ്ഖ് ഹസീനയ്ക്കൊപ്പം പ്രധാനമന്ത്രിയുടെ വസതിയിലേക്ക് പോലും അതിക്രമിച്ചുകയറിയ ആള്‍ക്കൂട്ടത്തില്‍ നിന്ന് രക്ഷപ്പെടാന്‍ തിടുക്കത്തില്‍ ബംഗ്ലാദേശ് വിടേണ്ടി വന്നതിനാല്‍ ഷേക്ക് ഹസീന വിഷമത്തിലായിരുന്നുവെന്ന്പറയപ്പെടുന്നു.
ഇന്ത്യയിലെ പ്രോട്ടോക്കോള്‍ ഓഫീസിലെ അംഗങ്ങള്‍ വസ്ത്രങ്ങളും ദൈനംദിന ഉപയോഗ വസ്തുക്കളും വാങ്ങാന്‍ അവരെ സഹായിച്ചതായി റിപ്പോര്‍ട്ടുണ്ട്. ഇന്ത്യയിലെത്തി 48 മണിക്കൂര്‍ കഴിഞ്ഞിട്ടും ഷെയ്ഖ് ഹസീനയും സംഘവും എയര്‍ബേസിന് സമീപമുള്ള സുരക്ഷിതമായ ഹൗസിലാണ് കഴിയുന്നത്. ഷെയ്ഖ് ഹസീനയ്ക്ക് മറ്റേതെങ്കിലും രാജ്യത്ത് അഭയം ലഭിക്കുന്നത് വരെ ഇന്ത്യ അഭയം നല്‍കിയിട്ടുണ്ട്. ഇന്ത്യന്‍ സുരക്ഷാ ഉദ്യോഗസ്ഥരും പ്രോട്ടോക്കോള്‍ ഓഫീസര്‍മാരും സമ്മര്‍ദവും ഞെട്ടലും തരണം ചെയ്യാന്‍ അവരെ സഹായിക്കുന്നുണ്ട്.
Recent Comments