ലഹരിമരുന്ന് കേസില്‍ നടന്‍ ഷൈന്‍ ടോം ചാക്കോയെ എണറാകുളം അഡീഷണല്‍ സെഷന്‍സ് കോടതി വെറുതേ വിട്ടു. 2015 ജനുവര്‍ 30 നാണ് ഷൈനും നാല് മോഡലുകളും കടവന്ത്ര ഫ്‌ളാറ്റില്‍നിന്ന് പിടിയിലായത്. അറസ്റ്റിലാകുമ്പോള്‍ ഇവര്‍ ലഹരിമരുന്ന് ഉപയോഗിച്ചിരുന്നുവെന്നും ഫ്‌ളാറ്റില്‍നിന്ന് കൊക്കെയ്ന്‍ കണ്ടെടുത്തെന്നും കുറ്റപത്രത്തില്‍ പറഞ്ഞിരുന്നു. കാക്കനാട്ടെ ഫോറന്‍സിക് ലാബില്‍ രക്തസാംപിളുകള്‍ പരിശോധിച്ചപ്പോള്‍ കൊക്കെയ്‌ന്റെ സാന്നിദ്ധ്യമില്ല എന്നായിരുന്നു റിപ്പോര്‍ട്ട്.
2018 ഒക്ടോബറില്‍ വിചാരണ ആരംഭിച്ച കേസില്‍ ആകെ എട്ട് പ്രതികളാണ് ഉണ്ടായിരുന്നത്. ഇവരില്‍ ഏഴാം പ്രതി ഒഴികെ മറ്റെല്ലാവരെയും വെറുതെ വിടുകയായിരുന്നു. രഹസ്യവിവരത്തിന്റെ അടിസ്ഥാനത്തിലാണ് കടവന്ത്രയിലെ ഫ്‌ളാറ്റില്‍ നടത്തിയ റെയിഡില്‍ ഷൈന്‍ ടോം ചാക്കോയും മോഡലുകളും പിടിയിലായത്. പ്രതികള്‍ക്കുവേണ്ടി അഡ്വ. രാമന്‍പിള്ളയാണ് ഹാജരായത്.
Recent Comments