പതിനെട്ട് വര്‍ഷമായി ബോളിവുഡ് സിനിമകളിലും പരസ്യചിത്രങ്ങളിലും പ്രവര്‍ത്തിച്ചു പോരുന്ന സോജന്‍ ജോസഫ് സംവിധാനം ചെയ്യുന്ന പുതിയ ചിത്രമാണ് ഒപ്പീസ്. കോപ്പയിലെ കൊടുങ്കാറ്റ്’ അലര്‍ട്ട് 24X7 എന്നീ ചിത്രങ്ങളും സോജന്‍ ജോസഫ് സംവിധാനം ചെയ്തിട്ടുണ്ട്. ആകര്‍ഷന്‍ എന്റര്‍ടൈന്‍മെന്റ് പ്രൈവറ്റ് ലിമിറ്റഡിന്റെ ബാനറില്‍ പ്രദ്യുമന കൊളേഗല്‍ (ഹൈദ്രാബാദ്) ആണ് ചിത്രം നിര്‍മ്മിക്കുന്നത്.
പ്രണയത്തിന് വ്യത്യസ്തമായ തലവും ഭാഷ്യവും നല്‍കുന്ന ഒരു ചിത്രമായിരിക്കുമിത്. ബക്കിംഗ്ഹാമിലെ ഒരു സംഗീതജ്ഞനെ പ്രണയിച്ച ഒരു പെണ്‍കുട്ടിയുടെ ജീവിതത്തിലൂടെയാണ് ഈ ചിത്രത്തിന്റെ കഥാവികസനം. സംഗീതത്തിന് ഏറെ പ്രാധാന്യമുള്ള ചിത്രം കൂടിയാണിത്. റഫീഖ് അഹമ്മദ്, ഹരി നാരായണന്‍, മനോജ് യാദവ് എന്നിവരുടെ വരികള്‍ക്ക് എം. ജയചന്ദ്രനാണ് സംഗീതം ഒരുക്കിയിരിക്കുന്നത്.
ദീക്ഷിത് ഷെട്ടിയും ഷൈന്‍ ടോം ചാക്കോയുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ദര്‍ശന നായരാണ് നായിക. ഇഷാ തല്‍വാര്‍ ഒരു ഇടവേളക്കുശേഷം മലയാളത്തിലെത്തുന്ന ചിത്രം കൂടിയാണിത്. ജോയ് മാത്യ, പ്രമോദ് വെളിയനാട്, ഇന്ദ്രന്‍സ്, ജോ ജോണ്‍ ചാക്കോ, ബൈജു എഴുപുന്ന, അനുപ് ചന്ദ്രന്‍, കോബ്രാ രാജേഷ്, ജൂബി പി. ദേവ്, രാജേഷ് കേശവ്, അന്‍വര്‍, ശ്രയാ രമേഷ്, വിജയന്‍ നായര്‍ രമേഷ്, പ്രകാശ് നാരായണന്‍, സജിതാ മീത്തില്‍ നിതേഷ്, ജീമോന്‍, ജീജാ സുരേന്ദ്രന്‍, ആന്റണി ചമ്പക്കുളം എന്നിവരും ചിത്രത്തില്‍ അഭിനയിക്കുന്നു. ബാലചന്ദ്രമേനോന്‍ വ്യത്യസ്തമായ മറ്റൊരു കഥാപാത്രത്തെ അവതരിപ്പിക്കുന്നു.
സന്തോഷ് തുണ്ടിയില്‍ ആണ് ഛായാഗ്രാഹകന്‍. വിഷ്ണു ദേവ കോറിയോഗ്രാഫി കൈകാര്യം ചെയ്യുന്നു. ആക്ഷന്‍ കൈകാര്യം ചെയ്യുന്നത് റിയല്‍ സതീഷും. കോസ്റ്റ്യൂം ഡിസൈന്‍ കുമാര്‍ എടപ്പാള്‍, മേക്കപ്പ് മനുമോഹന്‍, എഡിറ്റിംഗ് ശ്യാം ശശിധരന്‍, കലാസംവിധാനം അരുണ്‍ ജോസ്, എല്‍ദോ സെല്‍വ രാജാണ് പ്രൊഡക്ഷന്‍ കണ്‍ട്രോളര്‍. പി.ആര്‍.ഒ. വാഴൂര്‍ ജോസ്.
ജനുവരി മധ്യത്തില്‍ ചിത്രീകരണമാരംഭിക്കുന്ന സിനിമയുടെ ലോക്കേഷനുകള്‍ പീരുമേട്, വാഗമണ്‍, സ്‌ക്കോട്ട് ലന്റ് എന്നിവിടങ്ങളാണ്.
Recent Comments