ബോളിവുഡ് സിനിമകളിലും പരസ്യ ചിത്രങ്ങളിലുമായി കഴിഞ്ഞ പതിനെട്ടു വര്‍ഷക്കാലമായി പ്രവര്‍ത്തിച്ചു പോരുന്ന സോജന്‍ ജോസഫ് സംവിധാനം ചെയ്യുന്ന പുതിയ ചിത്രമാണ് ഒപ്പീസ്. കോപ്പയിലെ കൊടുങ്കാറ്റ്, അലര്‍ട്ട്
24X7 എന്നിവയാണ് സോജന്‍ ജോസഫ് ഇതിനുമുമ്പ് സംവിധാനം ചെയ്തിട്ടുള്ള ചിത്രങ്ങള്‍. നല്ലൊരു ഇടവേളക്കുശേഷം ഒപ്പീസ് എന്ന ചിത്രവുമായി സോജന്‍ കടന്നു വരുന്നു. ആകര്‍ഷന്‍ എന്റര്‍ടൈന്‍മെന്റ് പ്രൈവറ്റ് ലിമിറ്റഡ്, ഡി.ആര്‍. പ്രൊഡക്ഷന്‍സ് എന്നീ ബാനറുകളില്‍ പ്രദ്യുമന കൊളേഗല്‍, ദിഷാല്‍ ഡി.ആര്‍. എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ചിത്രത്തിന്റെ ഷൂട്ടിംഗ് തൊടുപുഴയില്‍ ആരംഭിച്ചു. അറക്കുളം ആലാനി ബംഗ്‌ളാവിലായിരുന്നു ചിത്രീകണം. പ്രശസ്ത കന്നഡ താരം ദീഷിത് ഷെട്ടിയുടെ ഭാഗങ്ങളാണ് ചിത്രീകരിച്ചത്.
ബക്കിംഗ്ഹാമിലെ ഒരു സംഗീതജ്ഞനെ പ്രണയിച്ച ഒരു പെണ്‍കുട്ടിയുടെ കഥയാണ് ചിത്രം പറയുന്നത്. സംഗീതത്തിന് ഏറ് പ്രാധാന്യം പ്രണയത്തിന് വ്യത്യസ്ഥമായ തലവും ഭാഷ്യവും ഈ ചിത്രം നല്‍കുന്നു.
സംഗീതത്തിന് ഏറെ പ്രാധാന്യമുള്ള ചിത്രം കൂടിയായിരിക്കുമിത്. എം. ജയചന്ദ്രന്റെ അതിമനോഹരമായ ഈണത്തിന് റഫീഖ് അഹമ്മദ് വരികള്‍ എഴുതുന്നു.
ഷൈന്‍ ടോം ചാക്കോവും ദര്‍ശനാ നായരുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. ജോയ് മാത്യു, ലെന, ഇന്ദ്രന്‍സ്, ജോജോണ്‍ ചാക്കോ, ബൈജു എഴുപുന്ന, അനൂപ് ചന്ദ്രന്‍, പ്രമോദ് വെളിയനാട്, ജുബി പി. ദേവ്, രാജേഷ് കേശവ് , അന്‍വര്‍, കോബ്രാ രാജേഷ്, ശ്രയാ രമേഷ്, വിജയന്‍ നായര്‍, പ്രകാശ് നാരായണന്‍, സജിതാ മഠത്തില്‍, ജീമോന്‍ ജോര്‍ജ്, ജീജാസുരേന്ദ്രന്‍ എന്നിവരും താരനിരയിലുണ്ട്. സന്തോഷ് തുണ്ടിയിലാണ് ഛായാഗ്രാഹകന്‍. പി.ആര്‍.ഒ. വാഴൂര്‍ ജോസ്. ഫോട്ടോ ഷിബി ശിവദാസ്.
Recent Comments