ഒരു നീണ്ട ഇടവേളയ്ക്കുശേഷം വി.കെ. പ്രകാശിന്റെ സംവിധാനത്തില്‍ നവ്യാനായര്‍ തിരിച്ചുവരുന്ന ചിത്രമാണ് ഒരുത്തി. ചിത്രീകരണം പൂര്‍ത്തിയായ സിനിമ്, സെന്‍സര്‍ ബോര്‍ഡിന്റെ ക്ലീന്‍ യു സര്‍ട്ടിഫിക്കറ്റ് നേടുകയും ചെയ്തു.
ബെന്‍സി പ്രൊഡക്ഷന്‍സിന്റെ ബാനറില്‍ ബെന്‍സി നാസര്‍ നിര്‍മ്മിക്കുന്ന ചിത്രത്തില്‍ ശക്തവും വ്യത്യസ്തവുമായ ഒരു കഥാപാത്രമായാണ് നന്വ്യയുടെ തിരിച്ചുവരവ്. ഇഷ്ടം എന്ന ചിത്രത്തിലൂടെ അരങ്ങേറ്റം കുറിച്ച നവ്യ നന്ദനം എന്ന രഞ്ജിത്ത് ചിത്രത്തിലൂടെയാണ് മലയാളികളുടെ പ്രിയപ്പെട്ട നടിയായി മാറുന്നത്. ബാലാമണിയെന്ന കഥാപാത്രത്തെ ഇന്നും മലയാളികള്‍ മറന്നുകാണില്ല. ഒരുത്തിയുടെ ഫസ്റ്റ് ലുക്ക് പോസ്റ്ററും വീഡിയോ പോസ്റ്ററും ദ് ഫയര്‍ ഇന്‍ യു എന്ന ടാഗോടുകൂടി വന്നത് സാമൂഹ്യമാധ്യമങ്ങളില്‍ ഏറെ ശ്രദ്ധ നേടിയിരുന്നു.
നവ്യാനായര്‍ക്കൊപ്പം വിനായകന്‍, സന്തോഷ് കീഴാറ്റൂര്‍, മുകുന്ദന്‍, ജയശങ്കര്‍, മനുരാജ്, മാളവിക മേനോന്‍, കൃഷ്ണപ്രസാദ് തുടങ്ങിയവരും ചിത്രത്തില്‍ പ്രധാന വേഷത്തിലെത്തുന്നു. ജിംഷിഖാലിദ് ഛായാഗ്രഹണവും എഡിറ്റിംഗ് ലിജോ പോളും കൈകാര്യം ചെയ്യുന്നു. സംഗീതം ഗോപി സുന്ദറും തകര ബാന്റുമാണ്. വസ്ത്രാലങ്കാരം സമീറാ സനീഷും മേക്കപ്പ് രതീഷ് അമ്പാടിയും കൈകാര്യം ചെയ്യുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ ഡിക്‌സന്‍ പൊടുത്താസുമാണ്.
Recent Comments