അപ്പാനി ശരത്തിനെ നായകനാക്കി സൈനു ചാവക്കാടനം സംവിധാനം ചെയ്ത പോയിന്റ് റേഞ്ച് എന്ന സിനിമയുടെ ചിത്രീകരണം പോണ്ടിച്ചേരിയില്‍ പൂര്‍ത്തിയായി. ഡിഎം പ്രൊഡക്ഷന്‍ ഹൗസിന്റെ ബാനറില്‍ ഷിജി മുഹമ്മദും തിയ്യാമ്മ പ്രൊഡക്ഷന്‍സും ചേര്‍ന്ന് നിര്‍മ്മിക്കുന്ന ഈ ആക്ഷന്‍ ത്രില്ലര്‍ ചിത്രം മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായിട്ടാണ് റിലീസിനൊരുങ്ങുന്നത്. സഹ നിര്‍മ്മാണം സുധീര്‍ 3D ക്രാഫ്റ്റ്.
കോഴിക്കോട്, പോണ്ടിച്ചേരി എന്നിവിടങ്ങളിലായിരുന്നു ചിത്രീകരണം. അപ്പാനി ശരത്തിനെ കൂടാതെ റിയാസ്ഖാന്‍, ഹരീഷ് പേരടി, ചാര്‍മിള, മുഹമ്മദ് ഷാരിക്, സനല്‍ അമാന്‍, ഷഫീക് റഹിമാന്‍, ജോയി ജോണ്‍ ആന്റണി, ആരോള്‍ ഡി ഷങ്കര്‍, രാജേഷ് ശര്‍മ,അരിസ്റ്റോ സുരേഷ്, ബിജു കരിയില്‍ (ഗാവന്‍ റോയ്), പ്രേംകുമാര്‍ വെഞ്ഞാറമൂട്, ഡയാന ഹമീദ്, സുമി സെന്‍, ഫെസ്സി പ്രജീഷ് തുടങ്ങിയവരും മലയാളത്തിലേയും തമിഴിലേയും പ്രമുഖ താരങ്ങളും സിനിമയുടെ ഭാഗമാകുന്നുണ്ട്.
മിഥുന്‍ സുബ്രന്‍ എഴുതിയ കഥയ്ക്ക് ബോണി അസ്സനാര്‍ തിരക്കഥ രചിച്ചിരിക്കുന്നു. ടോണ്‍സ് അലക്‌സാണ് ചിത്രത്തിന്റെ ഛായാഗ്രഹണവും ചിത്രസംയോജനവും നിര്‍വഹിക്കുന്നത്. പ്രൊഡക്ഷന്‍ കണ്‍ട്രോളര്‍ ഹോച്ചിമിന്‍ കെ.സി, ഫ്രാന്‍സിസ് ജിജോയും അജയ് ഗോപാലും അജു സാജനും ചേര്‍ന്നാണ് ചിത്രത്തിലെ ഗാനങ്ങള്‍ എഴുതിയിരിക്കുന്നത്. കലാസംവിധാനം ഷെരീഫ് CKDN, മ്യൂസിക് പ്രദീപ് ബാബു, ബിമല്‍ പങ്കജ്, സായി ബാലന്‍. ആക്ഷന്‍ റണ്‍ രവി. പിആര്‍ഒ ശബരി.
Recent Comments