മഴവില്‍ മനോരമയിലെ ജനപ്രിയ റിയാലിറ്റി ഷോയായ ഉഗ്രം ഉജ്ജ്വലത്തിലെ ഫൈനലിസ്റ്റാണ് തന്‍ഹ ഫാത്തിമ. കുരുവി എന്നത് അവരുടെ വിളിപ്പേരാണ്. അവരുടെ ജീവിതത്തില്‍ നടന്ന സംഭവങ്ങളെ ആസ്പദമാക്കി ജോഷി ജോണ്‍ സംവിധാനം ചെയ്യുന്ന ചിത്രമാണ് കുരുവിപാപ്പ. ചിത്രത്തിന്റെ ഷൂട്ടിംഗ് നിലമ്പൂര് ആരംഭിച്ചു. തന്‍ഹ ഫാത്തിമ തന്നെയാണ് ടൈറ്റില്‍ ക്യാരക്ടറിനെ അവതരിപ്പിക്കുന്നത്. വിനീതും മുക്തയും കേന്ദ്ര കഥാപാത്രങ്ങളെ അവതരിപ്പിക്കുന്നു. നീണ്ട ഇടവേളയ്ക്കുശേഷം മുക്ത സജീവമാകുന്ന മലയാളചിത്രം കൂടിയാണിത്. കൈലാഷ്, ലാല്‍ജോസ്, സന്തോഷ് കീഴാറ്റൂര്‍, കൊല്ലം സുധി, സജിത്ത് എഹിയ, നിയാസ്, മജീദ്, ഇബ്രാഹിം കുട്ടി, അതിഥി റോയ്, രമ്യാരാജേഷ്, സീനത്ത്, ജീജാ സുരേന്ദ്രന്‍, സിന്ധു സത്യന്‍ എന്നിവരാണ് മറ്റു താരങ്ങള്‍.
സീറോ പ്ലസ് എന്റര്‍ടെയിന്‍മെന്റ്‌സിന്റെ ബാനറില്‍ ബഷീറാണ് കുരുവിപാപ്പ നിര്‍മ്മിക്കുന്നത്. വിപിന്‍ മോഹനാണ് ക്യാമറാമാന്‍. വി.ടി. ശ്രീജിത്ത് എഡിറ്റിംഗ് നിര്‍വ്വഹിക്കുന്ന ചിത്രത്തിന് സംഗീതം ഒരുക്കുന്നത് പ്രദീപ് ടോമും യൂനുസ് യോയും ചേര്‍ന്നാണ്. ഫഹദ് പെഴുമൂടാണ് പ്രൊഡക്ഷന്‍ കണ്‍ട്രോളര്‍.
STD X E 99 Batch എന്ന സിനിമയ്ക്ക് ശേഷം ജോഷി ജോണ്‍ സംവിധാനം ചെയ്യുന്ന ചിത്രംകൂടിയാണ്. ബിസ്മിത്ത് നിലമ്പൂരും ജാസ്മിന്‍ ജാസും ചേര്‍ന്നാണ് തിരക്കഥ ഒരുക്കുന്നത്. നിലമ്പൂരിനെ കൂടാതെ തലശ്ശേരിയും എറണാകുളവും ചിത്രത്തിന്റെ ലൊക്കേഷനുകളാണ്.
Recent Comments