വീരസിംഹ റെഡ്ഡിക്കുശേഷം നന്ദമുരി ബാലകൃഷ്ണ അഭിനയിക്കുന്ന പുതിയ ചിത്രം അനില്‍ രവിപുടി സംവിധാനം ചെയ്യുന്നു. താരത്തിന്റെ 108-ാമത്തെ ചിത്രമാണ്. ടൈറ്റില്‍ ആയിട്ടില്ല. ചിത്രത്തിന്റെ ഷൂട്ടിംഗ് ഹൈദരാബാദില്‍ പുരോഗമിക്കുന്നു. നായികയായി അഭിനയിക്കുന്ന കാജല്‍ അഗര്‍വാള്‍ കഴിഞ്ഞ ദിവസം ജോയിന്‍ ചെയ്തു.
ഇതിനിടെ ചിത്രത്തിന്റെ ഫസ്റ്റ് ലുക്ക് പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടു. ബാലകൃഷ്ണയുടെ മാസ്സ് ഗെറ്റപ്പിലുള്ള രണ്ട് ചിത്രങ്ങളാണ് ഫസ്റ്റ് ലുക്ക് പോസ്റ്ററിലുള്ളത്. ‘ഇത്തവണ നിങ്ങളുടെ ഭാവനയ്ക്കുമപ്പുറം’ എന്ന ടാഗ് ലൈനും പോസ്റ്ററില്‍ ഉള്‍പ്പെടുത്തിയിട്ടുണ്ട്.
ശ്രീലീല മറ്റൊരു പ്രധാന കഥാപാത്രത്തെ അവതരിപ്പിക്കുന്നു. തമന്‍ ആണ് സംഗീത സംവിധായകന്‍. ഛായാഗ്രഹണം സി. റാം പ്രസാദ്, എഡിറ്റിംഗ് തമ്മി രാജു, പ്രൊഡക്ഷന്‍ ഡിസൈനര്‍ രാജീവന്‍, സംഘട്ടനം വി. വെങ്കട്ട്, എക്‌സിക്യൂട്ടീവ് പ്രൊഡ്യുസര്‍ എസ്. കൃഷ്ണ, പിആര്‍ഒ ശബരി. ഷൈന്‍ സ്‌ക്രീന്‍സ് പ്രൊഡക്ഷന്‍സിന്റെ ബാനറില്‍ സാഹു ഗരപതിയും ഹരീഷ് പെഡിയും ചേര്‍ന്നാണ് ചിത്രം നിര്‍മിക്കുന്നത്.
Recent Comments