ഉര്‍വ്വശി തീയേറ്റേഴ്‌സിന്റെ ബാനറില്‍ സന്ദീപ് സേനന്‍ നിര്‍മ്മിച്ച് ജയന്‍ നമ്പ്യാര്‍ സംവിധാനം ചെയ്യുന്ന
വിലായത്ത് ബുദ്ധയുടെ ചിത്രീകരണം പൂര്‍ത്തിയായി. നൂറ്റി ഇരുപതോളം ദിവസം നീണ്ടുനിന്ന ചിത്രീകരണത്തിനാണ് മറയൂരില്‍ തിരശ്ശീല വീണത്.
വിലായത്ത് ബുദ്ധയുടെ ചിത്രീകരണത്തിനിടയില്‍ പൃഥ്വിയുടെ കാലിനു പരിക്കു പറ്റിയതിനാലാണ് ഇടയ്ക്ക് ബ്രേക്ക് വേണ്ടിവന്നതെന്നും നിര്‍മ്മാതാവ് സന്ധീപ് സേനന്‍ പറഞ്ഞു. ആക്ഷന്‍ രംഗങ്ങള്‍ ചിത്രീകരിക്കുന്നതിനായി കാലിന്റെ പരുക്ക് പൂര്‍ണ്ണമായും ഭേദപ്പെടുന്നതുവരെ കാത്തിരിക്കേണ്ടി വന്നു. അതിനുശേഷമാണ് പൃഥ്വിരാജ് സെറ്റില്‍ ജോയിന്‍ ചെയ്തതും ചിത്രീകരണം ആരംഭിച്ചതും.
എമ്പുരാന്റെ ഷൂട്ടിംഗ് പൂര്‍ത്തിയാക്കിയതിന് പിന്നാലെയാണ് വിലായത്ത് ബുദ്ധയുടെ സെറ്റില്‍ പൃഥ്വി ജോയിന്‍ ചെയ്തത്. ഡബിള്‍ മോഹന്‍ എന്ന ചന്ദനക്കള്ളകടത്തുകാരനെ അവതരിപ്പിക്കുന്നത് പൃഥ്വിരാജാണ്.
മറയൂര്‍, ചെറുതോണി, പാലക്കാട്, നെല്ലിയാമ്പതി എന്നിവിടങ്ങളിലായിരുന്നു ചിത്രത്തിന്റെ ഷൂട്ടിംഗ്. ചിത്രത്തിന്റെ ചിത്രീകരണം പൂര്‍ത്തിയായിരിക്കു
ന്നത്. സമീപകാല പൃഥ്വിരാജ് ചിത്രങ്ങളില്‍ ഏറ്റവും കൂടുതല്‍ ദിവസം ചിത്രീകരിക്കുകയും മുടക്കു മുതലുള്ളതുമായ ചിത്രമാണ് വിലായത്ത് ബുദ്ധ.
മറയൂരിലെ ചന്ദനക്കാടുകളെ എന്നും സംഘര്‍ഷഭരിത മാക്കുന്ന ചന്ദന മോഷ്ടാവ് ഡബിള്‍ മോഹന്‍ എന്ന കഥാപാത്രത്തെയാണ് പ്രഥ്വിരാജ് ഈ ചിത്രത്തില്‍ അവതരിപ്പിക്കുന്നത്. മറയൂരിലെ മലമടക്കുകള്‍ ക്കിടയില്‍ ലക്ഷണമൊത്ത ചന്ദനമരത്തെച്ചൊല്ലി ഗുരുവായ ഭാസ്‌ക്കരന്‍ മാഷും, ഡബിള്‍ മോഹനും തമ്മില്‍ നടത്തുന്ന യുഡം അരങ്ങുതകര്‍ക്കു
മ്പോള്‍ അത് കാത്തുവച്ച പ്രതികാരത്തിന്റെ ഭാഗം കൂടിയാകുകയാണ്. രതിയും, പ്രണയവും, പകയുമൊക്കെ കൂടിച്ചേര്‍ന്ന അന്തരീക്ഷത്തിലൂടെയാണ് കഥാവികസനം.
ഷമ്മി തിലകനാണ് ഭാസ്‌ക്കരന്‍ മാഷ് എന്ന കഥാപാത്രത്തെഅവതരിപ്പിക്കുന്നത് മുറുക്കിച്ചുവന്ന പല്ലുകളും, തീഷ്ണമായ ഭാവവും, അലസമായ വേഷവിധാനം – മുണ്ടും ഷര്‍ട്ടുമൊക്കെയായി
ട്ടാണ് ഡബിള്‍ മോഹന്റെ പൃഥ്വിരാജിന്റെ വേഷം.
അനുമോഹന്‍, പ്രശസ്ത തമിഴ് നടന്‍ ടി.ജെ. അരുണാചലം,, രാജശീ നായര്‍, എന്നിവരും പ്രധാന താരങ്ങളാണ്.
പ്രിയംവദാ കൃഷ്ണനാണു നായിക. എഴുത്തുകാരനായ ജി. ആര്‍. ഇന്ദുഗോപന്റെ പ്രശസ്തമായ വിലായത്ത് ബുദ്ധ എന്ന നോവലിനെ ആസ്പദമാക്കി ഒരുക്കുന്ന ഈ ചിത്രത്തിന് ജി.ആര്‍. ഇന്ദുഗോപനും, രാജേഷ് പിന്നാടനും ചേര്‍ന്ന് തിരക്കഥ രചിച്ചിരിക്കുന്നു.
ജെയ്ക്ക് ബിജോയ്‌സിന്റേതാണ് സംഗീതം. അരവിന്ദ് കശ്യപ് ഛായാഗ്രഹണവും ശ്രീജിത്ത് ശ്രീരംഗ് & രണദേവ് എഡിറ്റിംഗും നിര്‍വ്വഹിക്കുന്നു. കലാസംവിധാനം ജിത്തു സെബാസ്റ്റ്യന്‍. മേക്കപ്പ് മനുമോഹന്‍. കോസ്റ്റ്യം ഡിസൈന്‍ സുജിത് സുധാകര്‍. ചീഫ്അസ്സോസ്സിയേറ്റ് ഡയറക്ടര്‍ കിരണ്‍ റാഫേല്‍, അസ്സോസ്സിയേറ്റ് ഡയറക്ടേര്‍സ് മണ്‍സൂര്‍ റഷീദ്, വിനോദ് ഗംഗ സഞ്ജയന്‍ മാര്‍ക്കോസ്
പ്രൊജക്റ്റ് ഡിസൈനര്‍ മനു ആ ലുക്കല്‍ ലൈന്‍ പ്രൊഡ്യൂസര്‍ രഘു സുഭാഷ് ചന്ദ്രന്‍.
എക്‌സിക്യട്ടീവ് പ്രൊഡ്യൂസര്‍ സംഗീത് സേനന്‍.
പ്രൊഡക്ഷന്‍ എക്‌സിക്യട്ടീവ്‌സ് രാജേഷ് മേനോന്‍ നോബിള്‍ ജേക്കബ്ബ്. പ്രൊഡക്ഷന്‍ കണ്‍ട്രോളര്‍ അലക്‌സ് ഇ. കുര്യന്‍. പി.ആര്‍.ഒ വാഴൂര്‍ ജോസ്.
ഫോട്ടോ സിനറ്റ് സേവ്യര്‍.
പോസ്റ്റ് പ്രൊഡക്ഷന്‍ ജോലികളിലേക്കു കടന്ന ഈ ചിത്രം ഉര്‍വ്വശി പിക്‌ച്ചേര്‍സ് പ്രദര്‍ശനത്തിനെത്തിക്കുന്നു.
Recent Comments