ഇന്ദ്രജിത്ത് സുകുമാരന്‍, ബാബുരാജ്, നൈല ഉഷ, സരയൂ മോഹന്‍, പ്രകാശ് രാജ് എന്നിവരെ കേന്ദ്രകഥാപാത്രങ്ങളാക്കി നവാഗതനായ സനല്‍ വി. ദേവന്‍ സംവിധാനം നിര്‍വഹിക്കുന്ന കുഞ്ഞമ്മിണീസ് ഹോസ്പിറ്റലില്‍ എന്ന ചിത്രത്തിന്റെ പൂജ ഇന്ന് നടന്നു. പൂജയ്ക്ക് പിന്നാലെ ചിത്രത്തിന്റെ ഷൂട്ടിംഗും ആരംഭിച്ചു.
സന്തോഷ് ത്രിവിക്രമന്‍ നിര്‍മ്മിക്കുന്ന ചിത്രത്തിന്റെ രചന നിര്‍വഹിക്കുന്നത് സു സു സുധി വാത്മീകം, പുണ്യാളന്‍ അഗര്‍ബത്തീസ്, ചതുര്‍ മുഖം, പ്രിയന്‍ ഓട്ടത്തിലാണ് എന്നി ചിത്രങ്ങളുടെ രചയിതാക്കളായ അഭയകുമാര്‍ കെ, അനില്‍ കുര്യന്‍ എന്നിവരാണ്.
ഫാന്റസി ഹ്യൂമറില്‍ ഒരുങ്ങുന്ന ചിത്രത്തില്‍ ഹരിശ്രീ അശോകന്‍, ബിനു പപ്പു, ബിജു സോപാനം, ജെയിംസ് എലിയ, മല്ലിക സുകുമാരന്‍, സുധീര്‍ പറവൂര്‍, പ്രശാന്ത് അലക്സാണ്ടര്‍ തുടങ്ങിയവരും വേഷമിടുന്നുണ്ട്. രഞ്ജിന്‍ രാജന്‍ സംഗീതവും അജയ് ഡേവിഡ് കാച്ചപ്പിള്ളി ഛായാഗ്രഹണവും നിര്‍വഹിക്കും. എക്‌സിക്യൂട്ടീവ് പ്രൊഡ്യൂസര്‍ അനീഷ് സി സലീം, ലൈന്‍ പ്രൊഡ്യൂസര്‍ ഷിബു ജോബ്, പ്രൊഡക്ഷന്‍ കണ്‍ട്രോളര്‍ ഷബീര്‍ മലവട്ടത്ത്. ചലച്ചിത്രതാരം സരയുവിന്റെ ഭര്‍ത്താവാണ് സനല്‍ വി. ദേവന്‍.
Recent Comments