സംഗീതത്തിലും ഡാന്‍സിലും അതീവ തല്പരനായ ബാംഗലൂര്‍ സ്വദേശിയായ സുരേന്ദ്രന്‍ ഉണ്ണി രചന നിര്‍വ്വഹിക്കുന്ന ബ്രൈഡ് ഓഫ് ഡാന്‍സ് സംവിധാനം ചെയ്യുന്നത് ശ്രീജിത്ത് ഇടവനയാണ്. CICADA എന്ന പാന്‍ ഇന്ത്യന്‍ ത്രില്ലര്‍ ചിത്രത്തിനുശേഷം ശ്രീജിത്ത് ഇടവന ഒരുക്കുന്ന ഷോര്‍ട്ട് ഫിലിമാണ് ബ്രൈഡ് ഓഫ് ഡാന്‍സ്.
ശ്രീരഞ്ജിനി എന്ന പ്രമുഖയായ കഴിവുറ്റ കുച്ചിപ്പുഡി നര്‍ത്തകിയുടെ ജീവിതത്തില്‍ ഉണ്ടാകുന്ന ചില സംഭവ വികാസങ്ങളാണ് ചിത്രത്തിനാധാരം. രാജസേനന്റെ ഞാനും മറ്റൊരു ഞാനും എന്ന ചിത്രത്തിലൂടെ അഭിനയരംഗത്ത് തുടക്കം കുറിച്ച ആരതി നായരാണ് ശ്രീരഞ്ജിനിയെ അവതരിപ്പിക്കുന്നത്. ഒപ്പം ശ്രദ്ധേയമായ വേഷത്തില്‍ തമിഴ്-തെലുങ്ക് നടനായ അര്‍.ടി. കുമാറും എത്തുന്നു. 14th February എന്ന ചിത്രത്തിലൂടെ നായികയായ ഐശ്വര്യ നമ്പ്യാര്‍ അതിഥിവേഷത്തിലും എത്തുന്ന ചിത്രം കൂടിയാണ് ബ്രൈഡ് ഓഫ് ഡാന്‍സ്.
നൃത്തത്തിന് ഏറെ പ്രാധാന്യമുള്ള ചിത്രത്തിന്റെ ഡാന്‍സ് കോറിയോഗ്രാഫ് ഒരുക്കുന്നത് ദീപ നാരായണന്‍ ശശീന്ദ്രനാണ്. തീര്‍ണ ഫിലിംസിന്റെ ബാനറില്‍ വനന്ദ മേനോനാണ് ഈ ഹൃസ്വചിത്രത്തിന്റെ നിര്‍മ്മാണ മേല്‍നോട്ടം വഹിക്കുന്നത്.
Recent Comments