വിനീത് ശ്രീനിവാസനെ കേന്ദ്ര കഥാപാത്രമാക്കി എം. മോഹനന്‍ സംവിധാനം ചെയ്യുന്ന ‘ഒരു ജാതി ജാതകം’ എന്ന ചിത്രത്തിന്റെ ലൊക്കേഷനില്‍ മുന്‍ ആരോഗ്യവകുപ്പ് മന്ത്രിയായ കെ.കെ. ശൈലജ ടീച്ചര്‍ എംഎല്‍എ എത്തി. മട്ടന്നൂര്‍ കല്ല്യാട്ടില്‍ ചിത്രീകരണം പുരോഗമിക്കുന്ന ചിത്രത്തിന്റെ ലൊക്കേഷനില്‍ സ്‌നേഹ സന്ദര്‍ശനം നടത്തിയതായിരുന്നു കെ.കെ. ശൈലജ ടീച്ചര്‍.
ഈ വര്‍ഷത്തെ മികച്ച സഹനടനുള്ള സംസ്ഥാന അവാര്‍ഡ് നേടിയ പി.പി. കുഞ്ഞികൃഷ്ണനെ ടീച്ചര്‍ പൊന്നാട അണിയിച്ച് ആദരിച്ചു. ഒരു ജാതി ജാതകത്തില്‍ വളരെ ശ്രദ്ധേയമായ കഥാപാത്രത്തെ കുഞ്ഞികൃഷ്ണന് അവതരിപ്പിക്കുന്നുണ്ട്. ചിത്രത്തിലെ അണിയറ പ്രവര്‍ത്തകര്‍ക്കും ടീച്ചര്‍ ആശംസകള്‍ നേര്‍ന്നു.
വിനീത് ശ്രീനിവാസനെ കൂടാതെ നിഖില വിമല്‍, ബാബു ആന്റണി, പിപി കുഞ്ഞികൃഷ്ണന്, മൃദുല്‍ നായര്‍,ഇഷാ തല്‍വാര്‍ വിധു പ്രതാപ്, സയനോര ഫിലിപ്പ്,കയാദു ലോഹര്‍, രഞ്ജി കങ്കോല്‍, അമല്‍ താഹ, ഇന്ദു തമ്പി,രഞ്ജിത മധു,ചിപ്പി ദേവസ്യ,വര്‍ഷ രമേശ്, അരവിന്ദ് രഘു, ശരത്ത് ശഭ തുടങ്ങിയവരാണ് മറ്റു പ്രമുഖ താരങ്ങള്‍. മലബാറിലെ വിവിധ വേദികളിലുള്ള ഒട്ടേറെ കലാകാരന്മാരും ഈ ചിത്രത്തില്‍ അഭിനയിക്കുന്നുണ്ട്.
വര്‍ണച്ചിത്രയുടെ ബാനറില്‍ മഹാ സുബൈര്‍ നിര്‍മിക്കുന്ന ‘ഒരു ജാതി ജാതകം’ എന്ന ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത് വിശ്വജിത് ഒടുക്കത്തിലാണ്.
Recent Comments