ഡോണ് സിനിമാസിന്റെ ബാനറില് നവാഗതനായ സിദ്ധിഖ് കൊടിയത്തൂര് സംവിധാനം ചെയ്യുന്ന ‘ആകാശം കടന്ന്’ എന്ന ചിത്രത്തിന്റെ ഫസ്റ്റ്ലുക്ക് പോസ്റ്റര് മെഗാസ്റ്റാര് മമ്മൂട്ടി പ്രകാശനം ചെയ്തു. ഭിന്നശേഷിക്കാരുടെയും അവരുടെ കുടുംബാംഗങ്ങളുടെയും ജീവിതകഥ പറയുന്ന ചിത്രമാണ് ആകാശം കടന്ന്. സിദ്ദിഖ് കൊടിയത്തൂരാണ് കഥയും തിരക്കഥയും സംഭാഷണവും എഴുതി സംവിധാനം നിര്വ്വഹിച്ചിരിക്കുന്നത്. ചിത്രത്തില് മുഖ്യ വേഷം കൈകാര്യം ചെയ്തിരിക്കുന്നത് ഭിന്നശേഷിക്കാരനായ അമല് ഇഖ്ബാലാണ്. വിജയകുമാര്, ഇബ്രാഹിംകുട്ടി, മഖ്ബൂല് സല്മാന്, ഷാഫി കൊല്ലം, കൊളപ്പുള്ളി ലീല, പ്രിയ ശ്രീജിത്ത്, ഭുവനേശ്വരി ബിജു തുടങ്ങിയവരാണ് മറ്റ് അഭിനേതാക്കള്. ഏപ്രില് അവസാനവാരം ചിത്രം തിയേറ്ററില് പ്രദര്ശനത്തിനെത്തുന്നു.
![](https://www.canchannels.com/wp-content/uploads/2023/03/Akasam-kadannu2.jpg)
നിര്മ്മാണം സിദ്ദീഖ് പി. റഹ്മാന് പോക്കര് മാറഞ്ചേരി, സലിം ലാമീസ്, ഫസല് പറമ്പാടന് എന്നിവരാണ് സഹനിര്മ്മാതാക്കള്. ചായാഗ്രഹണം ലത്തീഫ് മാറഞ്ചേരി, എഡിറ്റിംഗ് ഷമീര്, ഗാനരചന ഹംസ കയനിക്കര, അമീന് കാരക്കുന്ന്. സംഗീതം മുഹ്സിന് കുരിക്കള്, കെ പി നജ്മുദ്ധീന്. സിത്താര കൃഷ്ണകുമാര്, നിത്യമേനന്, വിഷ്ണു പ്രകാശ്, സലാഹുദ്ദീന് മണ്ണാര്ക്കാട്, ആര്ട്ട് അലി, മേക്കപ്പ് പുനലൂര് രവി, കോസ്റ്റ്യൂം സന്ദീപ് തിരൂര്. പ്രോജക്ട് ഡിസൈനര് സുധീര് ടി. കൂട്ടായി. പ്രൊഡക്ഷന് കണ്ട്രോളര് ഷൗക്കത്ത് വണ്ടൂര്. ക്രിയേറ്റീവ് ഹെഡ് അസീം കോട്ടൂര്. അസോസിയറ്റ് ഡയറക്ടര് തന്വിന് നസീര്. സ്റ്റില്സ് കാളിദാസ് എടവണ്ണപ്പാറ. പിആര്ഒ എംകെ ഷെജിന്.
Recent Comments