മലയാളത്തിന്റെ മഹാനടന്‍ മമ്മൂട്ടി, കുഞ്ചാക്കോ ബോബന്റെ മകന്‍ ഇസഹാക്ക് ബോബനുമായി പഞ്ച് പിടിക്കുന്ന വീഡിയോ ഇപ്പോള്‍ വൈറലാണ്. മമ്മൂട്ടിയുടെ ജന്മദിനത്തോടനുബന്ധിച്ച് ഇന്നലെ രാത്രി കുഞ്ചാക്കോ ബോബന്‍ നടത്തിയ ഗൃഹസന്ദര്‍ശനത്തിലാണ് ഇസഹാക്കിന്റെ ഈ കുസൃതി അരങ്ങേറിയത്.
മമ്മൂക്കയ്ക്കുള്ള പിറന്നാള്‍ സമ്മാനം എന്ന നിലയ്ക്കാണ് ആരാധാകര്‍ ഇസഹാക്കിന്റെ കുസൃതിയെ നോക്കി കാണുന്നത്. ഇസഹാക്കിനോട് വാത്സല്യത്തോടെ പെരുമാറുന്ന മമ്മൂട്ടിയോടൊപ്പം രമേഷ് പിഷാരടിയെയും വീഡിയോയില്‍ കാണാം.
സോഷ്യല്‍ മീഡിയയിലെ ഒരു കുട്ടി സൂപ്പര്‍ സ്റ്റാര്‍ തന്നെയാണ് ഇസഹാക്ക്. പാരീസില്‍ വെച്ച് തന്റെ കളിപ്പാട്ട ക്യാമറയില്‍ മോഹന്‍ലാലിന്റെ പടം എടുക്കുന്ന വീഡിയോയും ഏറെ വൈറലായിരുന്നു. അന്ന് മോഹന്‍ലാലിനോട് ‘ഇതെന്താ എന്നറിയാമോ? ഇതെന്റെ ക്യാമറയാ’ എന്നായിരുന്നു ഇസഹാക്കിന്റെ നിഷ്‌കളങ്കമായ മറുപടി.
Recent Comments