ഇന്ത്യന്‍ മൈക്കിള്‍ ജാക്സണ്‍ പ്രഭുദേവ ഡാന്‍സിലൂടെയും ആക്ഷന്‍ സീക്വന്‍സുകളിലൂടെയും പ്രേക്ഷകരെ ത്രസിപ്പിക്കുമെന്ന് ഉറപ്പു നല്‍കുന്ന പേട്ടറാപ്പിന്റെ കളര്‍ഫുള്‍ ടീസര്‍ റിലീസായി. വിജയ് സേതുപതിയും ടൊവിനോ തോമസും തങ്ങളുടെ സോഷ്യല്‍ മീഡിയകളിലൂടെയാണ് പേട്ടറാപ്പിന്റെ ടീസര്‍ റിലീസ് ചെയ്തത്. പ്രേക്ഷകര്‍ക്ക് തിയേറ്ററില്‍ ആഘോഷിക്കാന്‍ സാധിക്കുന്ന ഫാമിലി എന്റെര്‍റ്റൈനെര്‍ പേട്ടറാപ്പിന്റെ സംവിധാനം നിര്‍വഹിച്ചിരിക്കുന്നത് എസ്.ജെ. സിനുവാണ്.
വേദിക നായികാകഥാപാത്രത്തെ അവതരിപ്പിക്കുന്നത്. സണ്ണി ലിയോണ്‍, ഭഗവതി പെരുമാള്‍, വിവേക് പ്രസന്ന, രമേഷ് തിലക്, മൈംഗോപി, റിയാസ് ഖാന്‍, രാജീവ് പിള്ള, കലാഭവന്‍ ഷാജോണ്‍ എന്നിവരും ചിത്രത്തില്‍ അഭിനയിക്കുന്നു.
ബ്ലൂഹില്‍ ഫിലിംസിന്റെ ബാനറില്‍ ജോബി പി സാം നിര്‍മ്മിക്കുന്ന പേട്ടാറാപ്പിന്റെ കഥയും തിരക്കഥയും ഒരുക്കിയിരിക്കുന്നത് പി.കെ. ദിനില്‍ ആണ്. ഡി ഇമ്മനാണ് സംഗീതമൊരുക്കുന്നത്. ഛായാഗ്രഹണം ജിത്തു ദാമോദര്‍ നിര്‍വഹിക്കുന്നു. നിഷാദ് യൂസഫ് എഡിറ്റിംഗും എ ആര് മോഹന്‍ കലാസംവിധാനവും നിര്‍വഹിക്കുന്നു. പ്രൊഡക്ഷന്‍ കണ്‍ട്രോളര്‍ ആനന്ദ് എസ്, ശശികുമാര്‍ എസ്, എക്‌സിക്യൂട്ടീവ് പ്രൊഡ്യൂസര്‍: റിയ എസ്, വസ്ത്രാലങ്കാരം: അരുണ്‍ മനോഹര്‍, മേക്കപ്പ്: അബ്ദുള്‍ റഹ്‌മാന്‍, കൊറിയോഗ്രാഫി: ഭൂപതി രാജ, റോബര്‍ട്ട്, സ്റ്റണ്ട്: ദിനേശ് കാശി,വിക്കി മാസ്റ്റര്‍, ലിറിക്‌സ്: വിവേക്,മദന്‍ ഖര്‍ക്കി, ക്രിയേറ്റീവ് സപ്പോര്‍ട്ട്: സഞ്ജയ് ഗസല്‍, കോ ഡയറക്ടര്‍: അഞ്ജു വിജയ്, ഡിസൈന്‍: യെല്ലോ ടൂത്ത്, സ്റ്റില്‍സ് : സായ്‌സന്തോഷ്, പിആര്‍ഒ: പ്രതീഷ് ശേഖര്‍.
Recent Comments