പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് കമല്‍ഹാസന്‍, വിജയ് സേതുപതി, ഫഹദ് കൂട്ടുകെട്ടിലൊരുങ്ങുന്ന വിക്രം.
കഴിഞ്ഞ ദിവസം ചിത്രത്തിന്റെ ലിറിക്ക് വീഡിയോ റിലീസായിരുന്നു. കമല്‍ഹാസന്റെ വരികള്‍ക്ക് അനിരുദ്ധാണ് സംഗീതം ഒരുക്കിയിരിക്കുന്നത്. കമല്‍ഹാസനും അനിരുദ്ധും ചേര്‍ന്നാണ് ഈ ഗാനം പാടിയിരിക്കുന്നത്. ഇതിനോടകം കുത്തുപാട്ടുകളുടെ ഹിറ്റ് ചാര്‍ട്ടിലേക്ക് ഈ ഗാനംകൂടി ചേര്‍ക്കപ്പെട്ടിരിക്കുകയാണ്.
ജൂണ്‍ 3 ന് ചിത്രം തിയറ്ററുകളിലെത്തും. ഓഡിയോ ട്രെയിലര്‍ റിലീസ് മെയ് 15 ന് ചെന്നൈ നെഹ്റു സ്റ്റേഡിയത്തില്‍ നടക്കും.
കൈതിക്കും മാസ്റ്ററിനും ശേഷം ലോകേഷ് കനകരാജ് സംവിധാനം ചെയ്യുന്ന ബിഗ് ബജറ്റ് ചിത്രമാണ് വിക്രം.
കമല്‍ഹാസനോടൊപ്പം വിജയ് സേതുപതി, ഫഹദ് ഫാസില്‍, നരേന്‍, ചെമ്പന്‍ വിനോദ്, കാളിദാസ് ജയറാം തുടങ്ങി നീണ്ട താരനിര തന്നെ ചിത്രത്തിലുണ്ട്. ഒടിടി റൈറ്റ്‌സിലൂടെ തന്നെ വിക്രം നൂറു കോടി ക്ലബ്ബില്‍ ഇടം നേടിയിരുന്നു.
രാജ്കമല്‍ ഫിലിംസ് ഇന്റര്‍നാഷണലിന്റെ ബാനറില്‍ കമല്‍ഹാസനും ആര്‍. മഹേന്ദ്രനും ചേര്‍ന്നാണ് വിക്രം നിര്‍മ്മിക്കുന്നത്. എസ് ഡിസ്‌നിയാണ് എക്‌സിക്യൂട്ടീവ് പ്രൊഡ്യൂസര്‍. കേരളത്തില്‍ ഷിബു തമീന്‍സിന്റെ നേതൃത്വത്തില്‍ റിയാ ഷിബുവിന്റെ എച്ച് ആര്‍ പിക്‌ചേഴ്‌സ് ആണ് ചിത്രം വിതരണത്തിന് എത്തിക്കുന്നത്. ലോകേഷും രത്‌നകുമാറും ചേര്‍ന്നാണ് വിക്രത്തിന്റെ സംഭാഷണങ്ങള്‍ എഴുതിയിരിക്കുന്നത്. ഗിരീഷ് ഗംഗാധരനാണ് ഛായാഗ്രാഹകന്‍.
Recent Comments