ദുല്‍ഖര്‍ സല്‍മാന്‍ നായകനാകുന്ന ‘കിംഗ് ഓഫ് കൊത്ത’യുടെ മ്യൂസിക് റൈറ്റ്‌സ് സോണി മ്യൂസിക് സ്വന്തമാക്കി. റെക്കോര്‍ഡ് തുകയ്ക്കാണ് റൈറ്റ്‌സ് വാങ്ങിയത്. ജേക്‌സ് ബിജോയും ഷാന്‍ റഹ്‌മാനുമാണ് സംഗീത വിഭാഗത്തിന്റെ ചുമതല.
95 ദിവസങ്ങള്‍ നീണ്ടു നിന്ന ഷൂട്ടിംഗ് അടുത്തിടെയാണ് കാരൈക്കുടിയില്‍ പൂര്‍ത്തിയായത്. ദുല്‍ഖറിന്റെ എക്കാലത്തെയും ഹൈ ബജറ്റ് ചിത്രമാണ് കിംഗ് ഓഫ് കൊത്ത. വെഫെറര്‍ ഫിലിംസും സീ സ്റ്റുഡിയോയും ചേര്‍ന്നാണ് ചിത്രം നിര്‍മിക്കുന്നത്. സീ സ്റ്റുഡിയോസിന്റെ മലയാളത്തിലെ ആദ്യ നിര്‍മ്മാണ ചിത്രമാണ് കിംഗ് ഓഫ് കൊത്ത.
പ്രശസ്ത സംവിധായകന്‍ ജോഷിയുടെ മകന്‍ അഭിലാഷ് ജോഷിയാണ് ചിത്രം സംവിധാനം ചെയ്തിരിക്കുന്നത്. ദുല്‍ഖറിനൊപ്പം വലിയ താര നിരയാണ് അണിനിരക്കുന്നു. ഓണത്തിന് ചിത്രം റിലീസിനെത്തും. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായിട്ടാണ് ചിത്രം ഒരുങ്ങുന്നത്. രണ്ടു കാലഘട്ടങ്ങളുടെ കഥയാണ് കിംഗ് ഓഫ് കൊത്ത പറയുന്നത്.
Recent Comments