ഷാജൂണ്‍ കാര്യാല്‍ സംവിധാനം ചെയ്യുന്ന പുതിയ ചിത്രമാണ് മൃദു ഭാവേ ദൃഢ കൃത്യേ. ഒരു ഫാമിലി എന്റര്‍ടെയിനറാണ് ചിത്രം. ചിത്രീകരണം പൂര്‍ത്തിയായി, പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുന്ന ചിത്രം ഏപ്രിലില്‍ തീയേറ്ററുകളിലെത്തും.
പാടാത്ത പൈങ്കിളി എന്ന ജനപ്രിയ സീരിയലിലൂടെ കുടുംബപ്രേക്ഷകര്‍ക്ക് പ്രിയങ്കരനായ സൂരജ് സണ്‍ ആണ് ചിത്രത്തിലെ നായകന്‍. സൂരജ് ആദ്യമായി നായകനാകുന്ന ചിത്രംകൂടിയാണ്. ശ്രവണയാണ് നായിക. തട്ടിപുറത്ത് അച്യുതന്‍ എന്ന ചിത്രത്തിലൂടെ അരങ്ങേറ്റം കുറിച്ച ശ്രവണ പ്രശസ്ത സംവിധായകന്‍ ബാബു നാരായണന്റെ മകളുമാണ്. സുരേഷ് കൃഷ്ണ, ദിനേഷ് പണിക്കര്‍, അനില്‍ ആന്റോ, ജിജോ സുരേഷ്, സീമ ജി നായര്‍ എന്നിവര്‍ക്കൊപ്പം നിരവധി പുതുമുഖങ്ങളും ചിത്രത്തില്‍ അഭിനയിക്കുന്നു.
ഹൈഡ്രോഎയര്‍ ടെക്ട്രോണിക്‌സ് പ്രൈവറ്റ് ലിമിറ്റഡിന്റെ ബാനറില്‍ ഡോ. വിജയ് ശങ്കര്‍ മേനോനാണ് ചിത്രം നിര്‍മ്മിക്കുന്നത്. ചിത്രത്തിന്റെ കഥയും വിജയ് ശങ്കറുടേതാണ്. രവി തോട്ടത്തില്‍ തിരക്കഥയും രാജേഷ് കുരുമാലി സംഭാഷണവും എഴുതുന്നു. നിഖില്‍ നാരായണ്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ പ്രവീണ്‍ പരപ്പനങ്ങാടിയാണ്.
Recent Comments