നവാഗതനായ അനീഷ് ജോസ് മൂത്തേടന്‍ തിരക്കഥ എഴുതി സംവിധാനം ചെയ്യുന്ന ചിത്രമാണ് ആബേല്‍. സൗബിന്‍ ഷാഹിറാണ് നായകന്‍. നായിക അതിഥി രവിയും. ആബേലിന്റെ ചിത്രീകരണം കട്ടപ്പനയില്‍ ആരംഭിച്ചു.
വിഎഫ്എക്‌സിലും പരസ്യരംഗത്തും പ്രവര്‍ത്തിച്ച അനുഭവസമ്പത്തുമായിട്ടാണ് അനീഷ് ജോസ് മൂത്തേടന്‍ സംവിധാനരംഗത്തേക്ക് കടന്നു വരുന്നത്.
മലയോര കുടിയേറ്റ കര്‍ഷകരുടെ പശ്ചാത്തലത്തില്‍ ഏതാനും ക്രൈസ്തവ കുടുംബങ്ങളുടെ കഥ പറയുന്ന ചിത്രമാണിത്. വശ്യസുന്ദരമായൊരു പ്രണയകഥയും ഇതിനൊപ്പം പറഞ്ഞുപോകുന്നു.
സൗബിനും അതിഥിരവിക്കും പുറമെ നിസ്താര്‍ അഹമ്മദ് സേഠ്, ലെന, ജോണി ആന്റണി, ജോജി മുണ്ടക്കയം (ജോജി ഫെയിം) അലന്‍സിയര്‍, ശ്രീകാന്ത് മുരളി, ഹരിലാല്‍, ഹരീഷ് പെങ്ങന്‍, സീമ.ജി.നായര്‍ ആഞ്ജലീനാ ജോയ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
മേരി മാതാ പ്രൊഡക്ഷന്‍സിന്റെ ബാനറില്‍ അനില്‍ മാത്യുവാണ് ചിത്രം നിര്‍മ്മിക്കുന്നത്.
സംഗീതം അജ്മല്‍ ഹസ് ബുള്ള, ഛായാഗ്രഹണം രതീഷ് കെ. അയ്യപ്പന്‍, എഡിറ്റിംഗ് രതിന്‍ രാധാകൃഷ്ണന്‍, കലാസംവിധാനം സഹസ് ബാല, മേക്കപ്പ് പ്രദീപ് രംഗന്‍, കോസ്റ്റ്യൂം ഡിസൈനര്‍ സിജി തോമസ് നോബല്‍, ചീഫ് അസ്സോസ്സിയേറ്റ് ഡയറക്ടര്‍ സൈഗാള്‍, അസ്സോസ്സിയേറ്റ് ഡയറക്ടര്‍ ഡാര്‍വിന്‍ തോമസ്, പ്രൊഡക്ഷന്‍ മാനേജര്‍ സുനില്‍ കൊട്ടാരക്കര, പ്രൊഡക്ഷന്‍ എക്‌സിക്യട്ടീവ്‌സ് മോഹന്‍ രാജ് പയ്യന്നൂര്‍, അനില്‍. പ്രൊഡക്ഷന്‍ കണ്‍ട്രോളര്‍ നോബിള്‍ ജേക്കബ്ബ്, പ്രോജെക്ട് ഡിസൈനര്‍ ടോമി വര്‍ഗീസ്, പി.ആര്‍.ഒ. വാഴൂര്‍ ജോസ്, ഫോട്ടോ സലിഷ് പെരിങ്ങോട്ടുകര.
Recent Comments