അബാം മൂവീസിന്റെ ബാനറില്‍ ഏബ്രഹാം മാത്യു നിര്‍മ്മിക്കുന്ന പുതിയ ചിത്രം ബോബന്‍ സാമുവല്‍ സംവിധാനം ചെയ്യുന്നു. അബാം മൂവിസിന്റെ പതിമൂന്നാമതു ചിത്രമാണിത്. ചിത്രത്തിന്റെ പൂജ ജൂലൈ പതിമൂന്നിന് കൊച്ചി അത്താണിക്കടുത്തുള്ള കുമ്പിടി അബാം തറവാട് റിസോര്‍ട്ടില്‍ വച്ച് നടക്കും.
സൗബിന്‍ഷാഹിറാണ് നായകന്‍. നമിതാ പ്രമോദ് നായികയും. ദിലീഷ് പോത്തന്‍, മനോജ് കെ.യു, ശാന്തികൃഷ്ണ, വിനീത് തട്ടില്‍ എന്നിവരും പ്രധാന വേഷങ്ങളിലെത്തുന്നു.
സംവിധായകന്‍ ജര്‍ക്‌സന്‍ ആന്റണിയുടെ കഥയ്ക്ക് അജീഷ് പി. തോമസ് തിരക്കഥ രചിക്കുന്നു. സംഗീതം ഔസേപ്പച്ചന്‍, ഛായാഗ്രഹണം വിവേക് മേനോന്‍, കലാസംവിധാനം സഹസ് ബാല, മേക്കപ്പ് ജിതേഷ് പൊയ്യ, എക്‌സിക്കുട്ടീവ് പ്രൊഡ്യൂസര്‍ അമീര്‍ കൊച്ചിന്‍, പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍, പി.ആര്‍.ഒ വാഴൂര്‍ ജോസ്.
അഗസ്റ്റ് ആദ്യവാരത്തില്‍ ഷൂട്ടിംഗ് ആരംഭിക്കും. മാള, അന്നമനട, കുമ്പിടി, മുളന്തുരുത്തി എന്നിവയാണ് പ്രധാന ലൊക്കേഷനുകള്‍.
Recent Comments