ധ്യാന്‍ ശ്രീനിവാസന്‍ തിരക്കഥയെഴുതി വിനയ് ജോസ് സംവിധാനം ചെയ്യുന്ന ആപ്പ് കൈസേ ഹോ എന്ന ചിത്രത്തിന്റെ ടൈറ്റില്‍ പോസ്റ്റര്‍ പുറത്തിറങ്ങി. ചിത്രീകരണം പൂര്‍ത്തിയായ ഈ ചിത്രത്തില്‍ ധ്യാനിനോടൊപ്പം ഒരു പ്രധാന വേഷം ചെയ്യുന്നത് ശ്രീനിവാസനാണ്. മകന്റെ തിരക്കഥയില്‍ ശ്രീനിവാസന്‍ അഭിനയിക്കുന്ന രണ്ടാമത്തെ ചിത്രം കൂടിയാണിത്. ധ്യാന്‍ ശ്രീനിവാസന്‍ തിരക്കഥ എഴുതി സംവിധാനം ചെയ്ത ലൗആക്ഷന്‍ ഡ്രാമയായിരുന്നു ആദ്യ ചിത്രം. ഇരുവരും ഒന്നിച്ചഭിനയിക്കുന്ന രണ്ടാമത്തെ ചിത്രവുമാണിത്. വി.എം. വിനു സംവിധാനം ചെയ്ത കുട്ടിമാമായാണ് ആദ്യചിത്രം. ആപ്പ് കൈസേ ഹോയിലും ധ്യാനിന്റെ അച്ഛനായിട്ടാണ് ശ്രീനിവാസന്‍ അഭിനയിക്കുന്നത്. ഹൃദയ ശസ്ത്രക്രിയയെത്തുടര്‍ന്ന് കഴിഞ്ഞ കുറേ മാസങ്ങളായി സിനിമയില്‍നിന്ന് വിട്ടുനിന്ന ശ്രീനിവാസന്‍ കുറുക്കന്‍ എന്ന ചിത്രത്തിലൂടെയാണ് മലയാളസിനിമയില്‍ സജീവമാകാന്‍ തുടങ്ങിയത്. ആ ചിത്രത്തിലും ശ്രീനിവാസന്റെ മകന്‍ വിനീതായിരുന്നു നായകന്‍.
അജു വര്‍ഗീസ്, രമേഷ് പിഷാരടി, സൈജു കുറുപ്പ്, സുധീഷ്, ജീവ ജോസഫ്, ദിവ്യദര്‍ശന്‍, സഞ്ജു ശിവറാം, ജൂഡ് ആന്റണി, നവാസ് വള്ളിക്കുന്ന്, ഇടവേള ബാബു, അബിന്‍ ബിനോ, സുരഭി സന്തോഷ്, തന്‍വി റാം, വിജിത എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
മാനുവല്‍ ക്രൂസ് ഡാര്‍വിനും അംജിത്തും ചേര്‍ന്നാണ് ചിത്രം നിര്‍മിക്കുന്നത്. ഫന്റാസ്റ്റിക് ഫിലിംസാണ് ചിത്രം തീയറ്ററുകളില്‍ എത്തിക്കുന്നത്. ഡാനി ഡാര്‍വിന്‍, ഡോണി ഡാര്‍വിന്‍, പവി ജുവൈസ് എന്നിവരാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസേഴ്സ്. അഖില്‍ ജോര്‍ജാണ് ഛായാഗ്രഹണം. മനു മഞ്ജിത്ത്, സ്വാതി ദാസ് എന്നിവരുടെ വരികള്‍ക്ക് ഡാന്‍ വിന്‍സെന്റ്, ആനന്ദ് മധുസൂദനന്‍ എന്നിവരാണ് സംഗീതം പകരുന്നത്. വിനയന്‍ എം.ജെയാണ് എഡിറ്റിംഗ് നിര്‍വഹിക്കുന്നത്. പശ്ചാത്തല സംഗീതം ആനന്ദ് മധുസൂദനന്‍, പ്രൊ. കണ്‍ട്രോളര്‍- സജീവ് ചന്തിരൂര്‍, ആര്‍ട്ട്- അസീസ് കരുവാരക്കുണ്ട്, സിഎഡി- ദിനില്‍ ബാബു, കോസ്റ്റിയൂം- ഷാജി ചാലക്കുടി, മേക്കപ്പ്- വിപിന്‍ ഓമനശ്ശേരി, സ്റ്റില്‍സ്- സജിന്‍, അനിജ, പബ്ലിസിറ്റി ഡിസൈന്‍സ്-യെല്ലോ ടൂത്ത്സ്. ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍, അഭിലാഷ് ശ്രീരംഗന്‍.
Recent Comments