ശ്രീനിവാസനും, വിനീത് ശ്രീനിവാസനും ഒന്നിച്ചഭിനയിക്കുന്ന ചിത്രമാണ് കുറുക്കന്‍. ഹൃദയശസ്ത്രക്രിയയെത്തുടര്‍ന്ന് ഏറെ നാളുകളായി വിശ്രമത്തിലായിരുന്ന ശ്രീനിവാസന്‍ സജീവമാകുന്ന ചിത്രം കൂടിയാണിത്. പൂര്‍ണ്ണ ആരോഗ്യവാനായിട്ടാണ് കുറുക്കന്റെ പൂജാച്ചടങ്ങില്‍ പങ്കെടുക്കാന്‍ ഭാര്യ നിര്‍മ്മലയോടൊപ്പം ശ്രീനി ലൊക്കേഷനിലെത്തിയത്. കൊച്ചിയിലെ സെന്റ് ആല്‍ബര്‍ട്ട്‌സ് ഹൈസ്‌കൂളില്‍ വച്ചായിരുന്നു പൂജ. തമീമാനസ്‌റിന്‍ മഹാസുബൈര്‍ ആദ്യ ഭദ്രദീപം തെളിയിച്ചു. മുന്‍ ഡി.ജി.പി. ലോക് നാഥ ബഹ്‌റ സ്വിച്ചോണ്‍ കര്‍മ്മം നിര്‍വ്വഹിച്ചു. സംവിധായകന്‍ എം. മോഹനനാണ് ഫസ്റ്റ് ക്ലാപ്പ് നല്‍കിയത്.
വിനീത് ശ്രീനിവാസനും ശ്രീനിവാസനും ശ്രുതി ജയനും പങ്കെടുക്കുന്ന ആദ്യ ഷോട്ടോടെ ചിത്രീകരണവും ആരംഭിച്ചു. ഷൈന്‍ ടോം ചാക്കോയാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. സുധീര്‍ കരമന, മാളവികാ മേനോന്‍, അന്‍സിബാ ഹസ്സന്‍, ഗൗരി നന്ദ, ശ്രുതി ജയന്‍, ശ്രീകാന്ത് മുരളി, അശ്വത് ലാല്‍, ജോജി, സംവിധായകന്‍ ദിലീപ് മേനോന്‍, ജോണ്‍, ബാലാജി ഗര്‍മ്മ, കൃഷ്ണന്‍ ബാലകൃഷ്ണന്‍, അസീസ് നെടുമങ്ങാട് നന്ദന്‍, ഉണ്ണി അഞ്ജലി സത്യനാഥ് എന്നിവരും ചിത്രത്തില്‍ അഭിനയിക്കുന്നു.
നവാഗതനായ ജയലാല്‍ ദിവാകരനാണ് സംവിധായകന്‍. മനോജ് റാം സിങ്ങ് തിരക്കഥ രചിക്കുന്ന ചിത്രത്തിന്റെ ഛായാഗ്രാഹകന്‍ ജിബു ജേക്കബ്ബാണ്.
വര്‍ണ്ണചിത്രയുടെ ബാനറില്‍ മഹാസുബൈറാണ് ചിത്രം നിര്‍മ്മിക്കുന്നത്.
Recent Comments