ആരതി ഗായത്രി ദേവി തിരക്കഥ രചിച്ച് സംവിധാനം ചെയ്യുന്ന ചിത്രം ‘തേരി മേരി’യുടെ ചിത്രീകരണം ആരംഭിച്ചു. ശ്രീനാഥ് ഭാസിയും ഷൈന്‍ ടോം ചാക്കോയുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. ടെക്‌സാസ് ഫിലിം ഫാക്ടറിയുടെ ബാനറില്‍ അംജിത്ത് എസ്.കെ., സമീര്‍ ചെമ്പായില്‍ എന്നിവരാണ് ഈ ചിത്രം നിര്‍മ്മിക്കുന്നത്.
വര്‍ക്കല ജനാര്‍ദ്ദനസ്വാമി ക്ഷേത്രസന്നിധിയിലായിരുന്നു ചിത്രീകരണത്തിനു തുടക്കം കുറിച്ചത്. വര്‍ക്കലയിലെ ടൂറിസവുമായി ബന്ധപ്പെട്ടു ജീവിക്കുന്ന രണ്ടു യുവാക്കളുടെ ജീവിതമാണ് ചിത്രത്തിലൂടെ രസകരമായി അവതരിപ്പിക്കുന്നത്. ഇവര്‍ക്കിടയിലെ ഇണക്കവും പിണക്കവും അതിനിടയിലൂടെ വികസിക്കുന്ന പ്രണയവുമൊക്കെ ചിത്രത്തിന്റെ കഥാപശ്ചാത്തലമാകുന്നു.
തെലുങ്ക് താരം ശ്രീരംഗാ സുധയാണ് ചിത്രത്തിലെ നായിക. അന്നാ രേഷ്മ രാജന്‍, ഇര്‍ഷാദ് അലി, സോഹന്‍ സീനുലാല്‍, ഷാജു ശ്രീധര്‍, ബബിതാ ബാബു എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. കൈലാസ് മേനോനാണ് ചിത്രത്തിലെ സംഗീത വിഭാഗം കൈകാര്യം ചെയ്യുന്നത്. പി.ആര്.ഒ. വാഴൂര്‍ ജോസ്.
Recent Comments