വൈപ്പിന്‍ ഹാര്‍ബറിന്റെ പശ്ചാത്തലത്തില്‍ രണ്ടു ഗ്രൂപ്പുകളുടെ ശക്തമായ കിടമത്സരത്തിന്റെ കഥ പറയുന്ന പൊങ്കാല എ.ബി. ബിനില്‍ തിരക്കഥ രചിച്ച് സംവിധാനം ചെയ്യുന്നു. രണ്ടായിരം കാലഘട്ടത്തില്‍ വൈപ്പിന്‍, മുനമ്പം തീരപ്രദേശങ്ങളില്‍ നടന്ന ഒരു സംഭവകഥയെ ആസ്പദമാക്കിയുള്ളതാണ് ഈ ചിത്രം.
ഗ്ലോബല്‍ പിക്‌ച്ചേഴ്‌സ് എന്റര്‍ടൈന്‍മെന്റിന്റെയും ദിയാക്രിയേഷന്‍സിന്റെയും ബാനറില്‍ അനില്‍ പിള്ള, ഡോണ തോമസ്, അലക്‌സ് പോള്‍, ജിയോ ഷീബാസ് എന്നിവരാണ് ഈ ചിത്രം നിര്‍മ്മിക്കുന്നത്.
പൂര്‍ണ്ണമായും നര്‍മ്മത്തിന്റെ പശ്ചാത്തലത്തില്‍ പറയുന്ന ആക്ഷന്‍ ചിത്രമാണ് പൊങ്കാല. ബാബുരാജ്, ബിബിന്‍ ജോര്‍ജ്, അപ്പാനി ശരത്, സൂര്യാ കൃഷ്ണാ, ഷമ്മി തിലകന്‍, ഇന്ദ്രന്‍സ്, യാമി സോന, ദുര്‍ഗാ കൃഷ്ണ, മാര്‍ട്ടിന്‍ മുരുകന്‍, പ്രവീണ എന്നിവരും ചിത്രത്തിലെ മറ്റു പ്രധാന കഥാപാത്രങ്ങളാകുന്നു.
ഗാനങ്ങള്‍- വയലാര്‍ ശരത്ചന്ദ്ര വര്‍മ്മ- സന്തോഷ് വര്‍മ്മ, സംഗീതം- അലക്‌സ് പോള്‍, ഛായാഗ്രഹണം- തരുണ്‍ ഭാസ്‌ക്കര്‍, എഡിറ്റിംഗ്- സൂരജ് അയ്യപ്പന്‍, കലാസംവിധാനം- ബാവാ, മേക്കപ്പ് – അഖില്‍ ടി. രാജ്, കോസ്റ്റ്യും ഡിസൈന്‍- സൂര്യാ ശേഖര്‍, നിര്‍മ്മാണ നിര്‍വഹണം- വിനോദ് പറവൂര്‍, പി.ആര്.ഒ. വാഴൂര്‍ ജോസ്.
ആഗസ്റ്റ് 17 (ചിങ്ങം 1) ന് വൈപ്പിന്‍, മുനമ്പം എന്നിവിടങ്ങളിലായി ചിത്രത്തിന്റെ ഷൂട്ടിംഗ് ആരംഭിക്കും.
Recent Comments