ഗ്ലോബല്‍ പിക്‌ച്ചേഴ്സ് എന്റര്‍ടൈന്‍മെന്റിന്റെ ബാനറില്‍ ഡോണ തോമസ് നിര്‍മ്മിച്ച് എ.ബി. ബിനില്‍ തിരക്കഥ രചിച്ച്, സംവിധാനം ചെയ്യുന്ന പൊങ്കാലയുടെ ചിത്രീകരണം ചെറായി കടപ്പുറത്ത് ആരംഭിച്ചു. ശ്രീനാഥ് ഭാസി, കെ.ജി.എഫ് സ്റ്റുഡിയോ, അനില്‍ പിള്ള എന്നിവരാണ് സഹനിര്‍മ്മാതാക്കള്‍. വൈപ്പിന്‍ ഹാര്‍ബറിന്റെ പശ്ചാത്തലത്തില്‍ ഹാര്‍ബറുമായി ബന്ധപ്പെട്ടു പ്രവര്‍ത്തിക്കുന്ന ഒരുപറ്റം മനുഷ്യരുടെ കഥയാണ് ഈ ചിത്രത്തിലൂടെ അവതരിപ്പിക്കുന്നത്. രണ്ടായിരത്തില്‍ വൈപ്പിന്‍കരയില്‍ അരങ്ങേറിയ ഒരു യഥാര്‍ത്ഥ സംഭവത്തെ ആസ്പദമാക്കിയാണ് ഈ ചിത്രത്തിന്റെ അവതരണം.
ശ്രീനാഥ് ഭാസി നായകനാകുന്ന ഈ ചിത്രത്തില്‍ ബാബുരാജ്, ബിബിന്‍ ജോര്‍ജ്, സുധീര്‍ കരമന, ഷമ്മി തിലകന്‍ അലന്‍സിയര്‍, സൂര്യാകൃഷ് സാദിഖ്, ഡ്രാക്കുള സുധീര്‍, മാര്‍ട്ടിന്‍ മുരുകന്‍, കിച്ചു ടെല്ലസ്, റോഷന്‍ മുഹമ്മദ്, യാമി സോനാ, ദുര്‍ഗാ കൃഷ്ണാ, സ്മിനു സിജോ, ശാന്തകുമാരി, രേണു സുന്ദര്‍, എന്നിവരും ചിത്രത്തിലെ പ്രധാന താരങ്ങളാകുന്നു.
സംഗീതം- രഞ്ജിന്‍ രാജ്, ഛായാഗ്രഹണം- തരുണ്‍ ഭാസ്‌ക്കര്‍, എഡിറ്റിംഗ്- സൂരജ് അയ്യപ്പന്‍, കലാസംവിധാനം- ബാവ, മേക്കപ്പ്- അഖില്‍ ടി.രാജ്, കോസ്റ്റ്യൂം ഡിസൈന്‍- സൂര്യാ ശേഖര്‍, പ്രൊഡക്ഷന്‍ മാനേജേഴ്‌സ്- സുനില്‍, അതുല്‍, പ്രൊഡക്ഷന്‍ എക്‌സിക്കുട്ടീവ്- ഷെമീജ് കൊയിലാണ്ടി, നിര്‍മ്മാണ നിര്‍വ്വഹണം- വിനോദ് പറവൂര്‍, പി.ആര്.ഒ. വാഴൂര്‍ ജോസ്, ഫോട്ടോ- അമല്‍ അനിരുദ്ധ്.
വൈപ്പിന്‍, ചെറായി, മുനമ്പം എന്നിവിടങ്ങളിലായി സിനിമയുടെ ചിത്രീകരണം പൂര്‍ത്തിയാകും.
Recent Comments