പ്രശസ്ത കോസ്റ്റ്യും ഡിസൈനറായ സ്റ്റെഫി സേവ്യര്‍ ആദ്യമായി സംവിധാനം ചെയ്യുന്ന ചിത്രത്തിന് ടൈറ്റില്‍ ഇട്ടു- മധുര മനോഹരമോഹം. ഇന്നാണ് ടൈറ്റില്‍ ലോഞ്ച് നടന്നത്. ഷറഫുദ്ദീനും രജീഷ വിജയനും ആര്‍ഷ ബൈജുവുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. മുകുന്ദനുണ്ണി അസോസിയേറ്റ്‌സ് എന്ന ചിത്രത്തിലെ നായികയാണ് ആര്‍ഷ ബൈജു. പത്തനംതിട്ടയിലും പരിസരപ്രദേശങ്ങളിലുമായി ചിത്രത്തിന്റെ ഷൂട്ടിംഗ് പൂര്‍ത്തിയായിരുന്നു.
പത്തനംതിട്ട ജില്ലയിലെ ഒരു ഇടത്തരം യാഥാസ്ഥിതിക നായര്‍ കുടുംബത്തെ കേന്ദ്രീകരിച്ച് ഒരുക്കുന്ന ഒരു കുടുംബ കഥയാണ് മധുര മനോഹര മോഹം.
സൈജു കുറുപ്പ്, വിജയരാഘവന്‍, അല്‍ത്താഫ് സലിം, ബിജു സോപാനം, സുനില്‍ സുഗത ബിന്ദു പണിക്കര്‍ തുടങ്ങിയവരാണ് ചിത്രത്തിലെ മറ്റു താരങ്ങള്‍.
ബീത്രീഎം. കിയേഷന്‍സാണ് ചിത്രം നിര്‍മിക്കുന്നത്. മഹേഷ് ഗോപാലും ജയ് വിഷ്ണുവും ചേര്‍ന്നാണ് ചിത്രത്തിന് തിരക്കഥ ഒരുക്കുന്നത്. ഹിഷാം അബ്ദുള്‍ വഹാബ് സംഗീത സംവിധായകനാകുന്ന ചിത്രത്തിന്റെ ഛായാഗ്രാഹകന്‍ ചന്ദ്രു സെല്‍വരാജാണ്. പി.ആര്‍.ഒ. വാഴൂര്‍ ജോസ്.
Recent Comments