പ്രശസ്ത കോസ്റ്റ്യും ഡിസൈനര്‍ സ്റ്റെഫി സേവ്യര്‍ സംവിധാന രംഗത്തേക്കെത്തുന്നു.
ബുള്ളറ്റ് ഡയറീസ് എന്ന ചിത്രത്തിനു ശേഷം ബീത്രീഎം ക്രിയേഷന്‍സ് നിര്‍മ്മിക്കുന്ന ചിത്രം സംവിധാനം ചെയ്യുന്നത് സ്റ്റെഫി സേവ്യറാണ്. പത്തനംതിട്ടയുടെ പശ്ചാത്തലത്തില്‍ പറയുന്ന ഒരു കുടുംബചിത്രമാണിത്.
ഷറഫുദ്ദീനും രജീഷാ വിജയനുമാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. സൈജു ക്കുറുപ്പ്, അല്‍ത്താഫ് സലിം, വിജയരാഘവന്‍, സുനില്‍ സുഗത, ബിജു സോപാനം, ബിന്ദു പണിക്കര്‍, ആശാ ബൈജു എന്നിവര്‍ക്കൊപ്പം തെരഞ്ഞെടുക്കപ്പെട്ട ഏതാനും പുതുമുഖങ്ങളും ചിത്രത്തില്‍ അഭിനയിക്കുന്നു.
Read Also
മഹേഷ് ഗോപാലും ജയ് വിഷ്ണുവും ചേര്‍ന്നാണ് തിരക്കഥ ഒരുക്കുന്നത്. സംഗീതം ഹിഷാം അബ്ദുള്‍ വഹാബ്, ചന്ദ്രു സെല്‍വ രാജാണ് ഛായാഗ്രാഹകന്‍. എഡിറ്റിംഗ് അപ്പു ഭട്ടതിരിപ്പാട്. കലാസംവിധാനം ജയന്‍ ക്രയോണ്‍, മേക്കപ്പ് റോണക്‌സ് സേവ്യര്‍. കോസ്റ്റും ഡിസൈന്‍ സനൂജ് ഖാന്‍. നിര്‍മ്മാണ നിര്‍വ്വഹണം ഷബീര്‍ മലവെട്ടത്ത്.
സെപ്റ്റംബര്‍ 19 ന് ചിത്രത്തിന്റെ ഷൂട്ടിംഗ് പത്തനംതിട്ടയില്‍ ആരംഭിക്കും.
വാര്‍ത്താപ്രചരണം വാഴൂര്‍ ജോസ്.
Recent Comments