വിനേഷ് വിശ്വനാഥ് സംവിധാനം ചെയ്യുന്ന സ്താനാര്‍ത്തി ശ്രീക്കുട്ടന്‍ എന്ന ചിത്രത്തിന്റെ ഷൂട്ടിംഗ് കൊച്ചിയില്‍ ആരംഭിച്ചു. നടനും നിര്‍മ്മാതാവുമായ വിജയ് ബാബുവാണ് സ്വിച്ചോണ്‍ കര്‍മ്മം നിര്‍വ്വഹിച്ചത്. നിര്‍മ്മാതാവ് നിശാന്ത് പിള്ള ഫസ്റ്റ് ക്ലാപ്പും നല്‍കി.
പഠനത്തില്‍ പിന്നോക്കം നില്‍ക്കുന്ന ശ്രീക്കുട്ടനും സമര്‍ത്ഥനായ അമ്പാടിയും തമ്മിലുള്ള സംഘര്‍ഷമാണ് ചിത്രത്തിന്റെ ഇതിവൃത്തം. ശ്രീക്കുട്ടനെ ശ്രീരംഗ് ഷൈനും അമ്പാടിയെ അഭിനവും അവതരിപ്പിക്കുന്നു. അജു വര്‍ഗീസ്, ജോണി ആന്റണി, സൈജു കുറുപ്പ് എന്നിവരും പ്രധാന വേഷങ്ങളിലെത്തുന്നു. ജിബിന്‍ ഗോപിനാഥ്, ആനന്ദ് മന്മഥന്‍, കണ്ണന്‍ നായര്‍, രാഹുല്‍ നായര്‍, സന്തോഷ് വെഞ്ഞാറമൂട്, രാമചന്ദ്രന്‍ നായര്‍, ശ്രീനാഥ്, രാജീവ്, ഗംഗ മീര, ശ്രുതി സുരേഷ് എന്നിവരാണ് ചിത്രത്തിലെ മറ്റു താരങ്ങള്‍.
ബഡ്ജറ്റ് ലാബിന്റെ ബാനറില്‍ നിശാന്ത് പിള്ളയും എം.എ മുഹമ്മദ് റാഫിയും ചേര്‍ന്നാണ് ചിത്രം നിര്‍മ്മിക്കുന്നത്. രചന മുരളി കൃഷ്ണന്‍. ആനന്ദ് മന്മഥന്‍, കൈലാഷ് .എസ്. ഭവന്‍, വിനേഷ് വിശ്വനാഥ്, വിനായക് ശശികുമാര്‍, മനു മഞ്ജിത്ത്, അഹല്യ ഉണ്ണികൃഷ്ണന്‍ എന്നിവരുടെ വരികള്‍ക്ക് പി എസ് ജയഹരി സംഗീതം പകര്‍ന്നിരിക്കുന്നു. അനുപ് വി ശൈലജ ഛായാഗ്രഹണവും കൈലാഷ് എസ്. ഭവന്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം അനീഷ് ഗോപാല്‍, മേക്കപ്പ് രതീഷ് പുല്‍പ്പള്ളി. കോസ്റ്റ്യും ഡിസൈനര്‍ ബ്യൂസി, ചീഫ് അസ്സോസ്സിയേറ്റ് ഡയറക്ടര്‍ ദര്‍ശ് പിഷാരടി, അസ്സോസ്സിയേറ്റ് ഡയറക്‌ടേഴ്‌സ് ദേവിക, ചേതന്‍. ഫിനാന്‍സ് കണ്‍ട്രോളര്‍ നിസ്സാര്‍ വാഴക്കുളം. പ്രൊഡക്ഷന്‍ എക്‌സിക്കുട്ടീവ് കിഷോര്‍ പ്യാക്കാട്ടിരി, പ്രൊഡക്ഷന്‍ കണ്‍ട്രോളര്‍ ബിജു കടവൂര്‍, പി.ആര്‍.ഒ. വാഴൂര്‍ ജോസ്. ഫോട്ടോ ആഷിക്ക് ബാബു.
Recent Comments