സിനിമയുടെ പരസ്യങ്ങള്‍ക്ക് എന്നും പുതുമയുള്ളതും വ്യത്യസ്തനുമായ രീതികള്‍ അവലംബിക്കുന്നത് സിനിമകള്‍ക്ക് ഏറെ ഗുണകരമാകുന്നതാണ്. ഇവിടെ ഷെബി ചൗഘട്ട് സംവിധാനം ചെയ്യുന്ന ഗ്യാംങ്സ് ഓഫ് സുകുമാരക്കുറുപ്പ് എന്ന ചിത്രത്തിനാണ് അണിയറ പ്രവര്‍ത്തകര്‍ കൗതുകകരമായ ഒരു പ്രമോഷന്‍ നടത്തുന്നത്. മുമ്പും ഉത്തരം നടപടികള്‍ ഉണ്ടായിട്ടുണ്ടെങ്കിലും സമീപകാലത്ത് ഇപ്പോഴാണ് നടത്തുന്നത്. ഓണക്കാലം ആഘോഷിക്കാനായി സെപ്റ്റംബര്‍ പതിമൂന്നിനാണ് ഈ ചിത്രം പ്രദര്‍ശനത്തിനെത്തുന്നത്. കേരളത്തിലെ എല്ലാ ജില്ലകളിലും ഗ്യാങ്‌സ് ഓഫ് സുകുമാരക്കുറുപ്പിന്റെ ഡിസ്‌പ്ലേ ബോര്‍ഡുകള്‍ പ്രദര്‍ശിപ്പിച്ചുകൊണ്ടുള്ള വാഹനങ്ങള്‍ ഓടിത്തുടങ്ങി. 30ല്‍ അധികം വാഹനങ്ങളാണ് ഗ്യാങ്‌സ് ഓഫ് സുകുമാര്‍ കുറുപ്പിന്റെ പ്രചരണാര്‍ത്ഥം ഓടുന്നത്.
പ്രജീവം മൂവീസിന്റെ ബാനറില്‍ പ്രജീവ് സത്യവ്രതന്‍ നിര്‍മ്മിച്ച്, ഷെബി ചൗഘട്ട് സംവിധാനം ചെയ്യുന്ന സിനിമയാണ് ഗ്യാങ്‌സ് ഓഫ് സുകുമാരക്കുറുപ്പ്. വി ആര്‍ ബാലഗോപാല്‍ തിരക്കഥയും സംഭാഷണവും എഴുതുന്ന ഈ ചിത്രത്തിന്റെ ഛായാഗ്രഹണം രജീഷ് രാമനും എഡിറ്റിംഗ് സുജിത്ത് സഹദേവും നിര്‍വഹിക്കുന്നു. പ്രോജക്ട് ഡിസൈനര്‍ എസ് മുരുകന്‍.
ഷാജി കൈലാസ്- ആനി ദമ്പതികളുടെ ഇളയ മകന്‍ റുഷിന്‍ ഷാജി കൈലാസ് നായകനായി അഭിനയിക്കുന്ന ഈ സിനിമയില്‍ അബുസലീം ടൈറ്റില്‍ കഥാപാത്രത്തെ അവതരിപ്പിക്കുന്നു. ജോണി ആന്റണി, ടിനി ടോം, എബിന്‍ ബിനോ,ഇനിയ, ശ്രീജിത്ത് രവി, സൂര്യ കൃഷ്, സുജിത്ത് ശങ്കര്‍, ദിനേശ് പണിക്കര്‍, സിനോജ് വര്‍ഗീസ്, പൂജ മോഹന്‍രാജ്, പാര്‍വതി രാജന്‍ ശങ്കരാടി തുടങ്ങി നിരവധി താരങ്ങള്‍ അഭിനയിക്കുന്നു. പി.ആര്‍.ഒ വാഴൂര്‍ ജോസ്.
Recent Comments