സണ്ണി ലിയോണിന്റെ പുതിയ ചിത്രമാണ് ‘ഷീരോ’. സിനിമയുടെ ചിത്രീകരണത്തിനിടെ നടന്ന ഒരു രസകരമായ സംഭവം താരം തന്റെ ഇന്‍സ്റ്റാഗ്രാമിലൂടെയാണ് പങ്കുവെച്ചത്.
നിലത്തുകിടക്കുന്ന കുളയട്ടയെ സണ്ണി ലിയോണ്‍ കമ്പ് കൊണ്ട് എടുത്ത് സഹപ്രവര്‍ത്തകരുടെ കയ്യില്‍ വെച്ച് കൊടുത്ത് ധൈര്യം പരീക്ഷിക്കുന്നത് വീഡിയോയില്‍ കാണാം.
View this post on Instagram
മൂന്നാറില്‍ ചിത്രീകരണം പൂര്‍ത്തിയാക്കിയ ഷീറോ സിനിമയുടെ സെറ്റില്‍ നടന്ന തമാശ ‘ചെക്കിംഗ് മൈ ടീംസ് കറേജ്’ എന്ന ടാഗ് ലൈനോടെയാണ് താരം ഇന്‍സ്റ്റാഗ്രാമില്‍ പങ്കുവെച്ചത്.
ഇതിനോടകം തന്നെ വീഡിയോ വൈറലായി കഴിഞ്ഞു.
ഷീറോ എന്ന സൈക്കോളജിക്കല്‍ ത്രില്ലര്‍ ഗണത്തില്‍ പെടുന്ന സിനിമ സംവിധാനം ചെയ്യുന്നത് ശ്രീജിത്ത് വിജയ് ആണ്. കുട്ടനാടന്‍ മാര്‍പ്പാപ്പയ്ക്കു ശേഷം ശ്രീജിത്ത് സംവിധാനം ചെയ്യുന്ന ചിത്രം കൂടിയാണിത്.
ദക്ഷിണേന്ത്യയിലെ പ്രമുഖ താരങ്ങളും ചിത്രത്തില്‍ അണിനിരക്കുന്നുണ്ട്. ഇക്കിഗായ് മോഷന്‍ പിക്ച്ചേഴ്സിന്റെ ബാനറില്‍ അന്‍സാരി നെക്സ്റ്റല്‍, രവി കിരണ്‍ എന്നിവര്‍ ആണ് ചിത്രം നിര്‍മിക്കുന്നത്. മലയാളം, തമിഴ്, ഹിന്ദി, തെലുങ്ക് ഭാഷകളില്‍ ചിത്രം റിലീസ് ചെയ്യും. ഏറെ അഭിനയ പ്രാധാന്യമുള്ള നായികാ കഥാപാത്രമാണ് സണ്ണി ലിയോണ്‍ കൈകാര്യം ചെയ്യുന്നത്.
Recent Comments